Gazeta e rëndësishme britanike ‘Observer’, publikoi një reportazh të gjatë për protestat që kanë kapluar S...
SPORT
Milan synon Gilan, Tare ka një “ok” nga mbrojtësi që solli në Itali
PiranjatPërditësimi i fundit 2 Prill 2026, 11:13
Një nga emrat më të përfolur në orbitën e Milanit për merkaton e verës është ai i mbrojtësit spanjoll Mario Gila, i lindur në vitin 2000, aktualisht pjesë e Lacios. Lojtari u transferua në Itali nga drejtori aktual sportiv kuqezi Igli Tare në vitin 2022.
KONTAKTE TË REJA – Sipas raportimeve të “Corriere dello Sport”, Milani ka interesa konkrete për mbrojtësin dhe në ditët e fundit ka pasur kontakte të reja mes klubit dhe përfaqësuesve të lojtarit. Nga selia në “Via Aldo Rossi” synohet përshpejtimi i negociatave, pasi konkurrenca pritet të jetë e fortë dhe më e afërt nga sa mendohet. Një nga rivalët kryesorë mund të jetë Interi, sidomos nëse Alesandro Bastoni largohet drejt FC Barcelona. Kujtojmë se kontaktet mes palëve kishin nisur edhe më herët për të vlerësuar mundësinë e transferimit.
ÇMIMI DHE PRAPASKENAT – Në ndeshjen e fundit kundër Milanit në “Olimpiko”, Gila u dallua me një paraqitje shumë të mirë në mbrojtje. Aktualisht, Tare, që e solli lojtarin në Romë për rreth 6 milionë euro, po punon për të ulur kërkesat e Klaudio Lotito nën 20 milionë euro. Operacioni nuk pritet të jetë i lehtë, duke njohur qëndrimin e fortë të presidentit të Lacios në merkato.
Nga ana tjetër, një shtysë e rëndësishme për këtë lëvizje është edhe miratimi i trajnerit Masimiliano Alegri, i cili e vlerëson Gilan si në aspektin teknik, ashtu edhe në atë taktik. Mbrojtja e Milanit është përmirësuar ndjeshëm këtë sezon, por drejtuesit kërkojnë një tjetër përforcim cilësor për të rritur nivelin e skuadrës.
