Kreu i Grupit Parlamntar ka reaguar gjatë ditës së sotme pas publikimit të përgjimeve nga ish zëvendës kryeministri Arben A...
SPORT
Milani mbeti jashtë Champions-it, shpërthen Alegri: Kur humbet 5 ndeshje në shtëpi si ne, e meriton këtë pozicion
PiranjatPërditësimi i fundit 25 Maj 2026, 08:00
Skenari që deri pak javë më parë dukej i pamundur për t’u imagjinuar është bërë realitet për Milanin: nga lufta për titullin kampion në Europa League.
Humbja në shtëpi ndaj Kagliarit dhemb shumë, sepse i lë kuqezinjtë jashtë Champions League dhe natyrisht edhe Max Allegri është i dëshpëruar.
Në fund të fundit, do të mjaftonte edhe një barazim, duke parë rezultatin 2-2 mes Torinos dhe Juventusit (me pikë të barabarta vetëm me Komon, Milani do të shkonte në Champions).
“Rezultati fatkeqësisht nuk mund të ndryshohet më. Kur humbet pesë ndeshje në shtëpi si ne, katër prej tyre në fazën e dytë të kampionatit, e meriton këtë pozicion.
Sonte pas 1-0 u shpërqendruam pak dhe menduam se e kishim arritur rezultatin, mbrojtëm keq dhe i dhamë hapësira Kaljarit. Ishim shumë pasivë te golat”, tha Alegri për DAZN.
Pak fjalë, por shumë zhgënjim: “Jam i mërzitur dhe i zemëruar. Mbetëm jashtë pasi e kishim rikthyer situatën në favorin tonë me Xhenoan dhe nuk e prisnim një rezultat të tillë. Ky është futbolli dhe sporti.
Fatkeqësisht, me shumë hidhërim, duhet ta pranojmë këtë verdikt. Djemve nuk kam çfarë t’u qortoj: atë që kishin e dhanë gjithmonë, gjatë gjithë vitit.”
Cilat janë arsyet e mungesës në Champions League? “Arsyen nuk e di, por sigurisht që diçka kam gabuar gjatë këtyre gjashtë humbjeve. Tani kemi mbërritur në fund të sezonit dhe do të bëjmë vlerësimet e nevojshme. Rezultati i shtyn analizat nga njëra anë apo tjetra, por duhet të jemi shumë të kthjellët për të mos gabuar në gjykim.”
