Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SPORT
Muçi konfirmon skuadrën e re, sulmuesi i Kombëtares: Jam gati!
PiranjatPërditësimi i fundit 6 Shtator 2025, 12:29
Sulmuesi i Kombëtares, Ernest Muçi konfirmoi në një dalje për mediet turke se ka kaluar në huazim nga Besiktas-it tek ekipi i Trabzonspor-it.
Duke folur nga aeroporti, Muçi theksoi se është huazuar nga Trabzonspor-i deri në përfundim të sezonit 2025-2026, me opsionin e blerjes së kartonit të tij në fund.
Shqiptar shtoi ndër të tjera se do të dëshironte që të blihej nga Trabzonspor-i në fund të huazimit, duke lënë të kuptohet se nuk e dëshiron më rikthimin te Besiktas-i.
“Këtë sezon jam këtu si i huazuar, por në kontratë ekziston edhe opsioni për blerje. Dua që ky opsion të shfrytëzohet dhe do bëj më të mirën. Jam shumë i emocionuar për të dhënë kontributin tim për ekipin. Jam i hapur për të luajtur në pozicione të ndryshme. Jam një lojtar fleksibël dhe mendoj se kjo cilësi do të jetë një avantazh për ekipin. Kam folur me trajnerin. Kam besim tek ai dhe besoj se do të kemi sukses. Jam plotësisht gati fizikisht. Jam në 100% të formës sime dhe mezi po e pres të nis sezonin”, u shpreh ish sulmuesi i Tiranës.
Ernest Muçi ishte pjesë e listës së lojtarëve të grumbulluar nga kombëtarja shqiptare për dy sfidat e shtatorit, por sulmuesi u largua pasi kishte disa shqetësime të vogla fizike.
