Banorët e Lagjes 15 në zonën e Spitallit, Durrës, kanë ngritur një denoncim publik lidhur me një problematikë që,...
SPORT
Ndeshja e fundit/ Futbollisti nuk përmbahet dot në transmetim live (VIDEO)
PiranjatPërditësimi i fundit 21 Dhjetor 2025, 08:46
Teorikisht, kjo do të ishte ndeshja e tij e fundit si lojtar i Kifissias, pasi prej rreth dy muajsh ai ka pranuar të vazhdojë karrierën te Panathinaikos.
Megjithatë, Andreas Tetteis nuk mundi t’i menaxhonte emocionet e tij dhe ai që nuk rrëzohej në fushë, shpërtheu në lot duke konfirmuar se edhe burrat qajnë. Asi 24-vjeçar, pasi folën dy trajnerët dhe disa nga protagonistët e ndeshjes, ishte ai që do të mbyllte ndeshjen e transmetuar në televizion, por ende nuk e kishte kuptuar se këto ishin momentet e tij të fundit me ekipin që i dha famë.
Duke qarë në momentin e zëvendësimit, pasi kishte qarë në dhomën e zhveshjes, ai u përpoq të dukej i qetë.
"E vërteta është se një udhëtim ka mbaruar dhe është radha ime të ec përpara me hapat e mi. Nuk do ta harroj kurrë Kifissia-n dhe kush e di, ndoshta në të ardhmen do të kthehem", tha fillimisht ai, me tonin e zërit që tregonte sa i hutuar ishte brenda.
Dhe kur gazetari i Cosmote TV, i kujtoi emocionin që tregoi në momentin e zëvendësimit, por edhe në dhomën e zhveshjes pas përfundimit të ndeshjes, sulmuesi ndërkombëtar nuk u përmbajt dhe lotët filluan t'i rridhnin nga sytë.
"A ke menduar të gjesh shokët e ekipit si kundërshtarë në raundin e 2-të?", e pyeti gazetari, duke u përpjekur të... lehtësonte atmosferën dhe fillimisht dukej se... ia doli mbanë. "Jo, nuk po mendoja fare për këtë. Thjesht kisha në mendje që këto momente të fundit t’i kaloja sa më këndshëm të ishte e mundur", arriti të thoshte ai, përpara se të shpërthente përsëri në lot dhe të largohej...
