Ditën e sotme vendi ynë do të ndikohet nga kushte atmosferike të paqëndrueshme.
Moti parashikohet me vranësira mesatare dhe t&e...
SPORT
Ndeshja Serbi-Shqipëri/ Ballist Morina: Dordolecët në Tiranë dhe Beograd kanë vendosur gjithçka paraprakisht
PiranjatPërditësimi i fundit 9 Tetor 2025, 13:51
Në prag të ndeshjes Serbi-Shqipëri, Ballist Morina, personi që në vitin 2014 ngriti dronin me flamurin ‘AUTOCHTHONOUS’ në stadiumin e Beogradit, ka reaguar ashpër në rrjetet sociale, duke u bërë thirrje lojtarëve kuqezi që të mos bëhen pjesë e asaj që ai e quan “maskaradë e përgatitur”.
Në një mesazh drejtuar veçanërisht kapitenit Berat Gjimshiti, Morina kërkon që futbollistët të sillen si profesionistë dhe të mos lejojnë që, sipas tij, “forca të jashtme” të ndikojnë në rezultatin e përballjes. Ai kujtoi edhe ndeshjen e vitit 2015 në “Elbasan Arena”, duke aluduar se “ishte vendosur më parë me një vendim politik”.
“Ndeshja e 8 tetorit 2015 u vendos me VKM, ndërsa unë isha ‘neutralizuar’ me pretekstin e qetësisë publike. Sot historia përsëritet. Dordolecët e çifutit ndërkombëtar në Tiranë dhe Beograd kanë vendosur gjithçka paraprakisht, rezultatin dhe mënyrën si do të rrjedhë loja,” shkruan ai.
Morina e quan këtë përballje “një shfaqje teatrale kukullash” dhe thotë se “sportdashësit e të dy vendeve po mashtrohen”, ndërsa i bën thirrje futbollistëve shqiptarë që të ruajnë integritetin e tyre.
“Mos u bëni pjesë e kësaj poshtërsie. Ju mbani mbi supe një fanellë që nuk është dosido. Ruani dinjitetin tuaj si njerëz dhe si profesionistë, mos lejoni që t’ju përdorin për skenarë të gatitur,” shton Morina.
OLAF flet për skandalin: Si u keqpërdorën 33 mln eurot e BE nga fondet IPARD në Shqipëri
Në fund të reagimit të tij, Ballist Morina kujton se dikur ishte kritikuar si “nxitës i urrejtjes” dhe “përzierës i politikës me sportin”, por thekson se sot, sipas tij, “koha ka treguar të kundërtën”.
