Spanja po përballet me një nga zjarret më të mëdha dhe më të vështira të viteve të fundit. Mbi 600 zjarrfik&...
SPORT
Ndeshja vendimtare për kombëtaren tonë/ Shqipëri-Serbi mund të mos luhet në Beograd për shkak të...
PiranjatPërditësimi i fundit 11 Shtator 2025, 20:46
Shqipëria do të rikthehet në fushë pas katër javësh, për një ndeshje vendimtare kundër Serbisë, e cila pritet të përcaktojë vendin e dytë në grup dhe shanset e tyre për t’u kualifikuar në Kupën e Botës.
Serbia fitoi kundër Andorrës 3-0 në Leskovac, por më pas pësoi një humbje 0-5 ndaj Anglisë në Beograd, ku nuk munguan incidentet në stadium.
Përleshjet, thirrjet ofenduese dhe përdorimi i lazerëve pritet të sjellin një ndëshkim të rëndë nga FIFA, i cili mund të përfshijë edhe ndeshjen Serbi-Shqipëri që do të luhet pa tifozë.
Pas këtyre ngjarjeve, Federata Serbe e Futbollit ka kërkuar që ndeshja me Shqipërinë të mos luhet në Beograd, por në stadiumin e vogël në Leskovc me vetëm 8,000 vende. Ky opsion shihet si më i sigurt dhe më i lehtë për t’u organizuar, duke shmangur huliganët dhe incidentet e mundshme.
Përndryshe, të luash në Beograd do ta vinte Serbinë në rrezik humbjeje të tabelës. Sekretari i Federatës Branko Radujko deklaroi se kjo ndeshje është përparësia kryesore dhe se ai beson se skuadra e tij mund të marrë një rezultat pozitiv. Ai shtoi se Leskovci ka qenë gjithmonë një mjedis i qetë me mbështetje pozitive për ekipin kombëtar serb.
