Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
SPORT
Nuk fituan asnjë trofe këtë sezon, por Real Madrid nuk ka rival në aspektin ekonomik, ja sa janë të ardhurat
PiranjatPërditësimi i fundit 27 Maj 2026, 15:12
Real Madrid vazhdon të dominojë jo vetëm në fushën e lojës, por edhe në aspektin ekonomik. Klubi madrilen po përgatitet të mbyllë një tjetër sezon rekord, duke konfirmuar statusin si organizata më fitimprurëse në futbollin botëror.
Sipas të dhënave të fundit financiare, “Los Blancos” pritet të kalojnë kufirin e 1.2 miliardë eurove të ardhura gjatë këtij viti financiar, një shifër historike që asnjë klub tjetër sportiv nuk e ka arritur deri më sot. Vetëm sezonin e kaluar, madrilenët regjistruan 1.161 miliardë euro të ardhura, duke kryesuar për të tretin vit radhazi renditjen globale të publikuar nga Deloitte.
Rritja ekonomike e Real Madrid është mbështetur kryesisht nga sektori komercial. Shitjet e produkteve zyrtare, sponsorët e rinj dhe të ardhurat nga stadiumi sollën një rritje prej 23%, duke gjeneruar afro 594 milionë euro vetëm nga aktivitetet tregtare. Edhe rezultatet sportive kanë ndikuar drejtpërdrejt, me fitimet nga UEFA Champions League dhe pjesëmarrja në FIFA Club World Cup që kanë forcuar bilancin financiar të klubit.
Në “Santiago Bernabéu” po punohet tashmë edhe për të ardhmen. Marrëveshja me Emirates është rinovuar deri në vitin 2031, ndërsa drejtuesit madrilenë janë në negociata me Adidas për një kontratë të re edhe më të majme. Objektivi është i qartë: ta çojnë vlerën totale të sponsorëve të fanellës pranë 300 milionë eurove në sezon dhe të ruajnë epërsinë ekonomike ndaj rivalëve europianë.
