Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
SPORT
“Pa Champions ka revolucion”, Cardinale shkund Milan: Jam i zhgënjyer
PiranjatPërditësimi i fundit 15 Maj 2026, 11:53
Garry Cardinale, bosi i Milan, flet pak, por kur e bën diçka të tillë shkund në themel ekipin kuqezi. Numri 1 i klubit vendosi të thyej heshtjen në momentin më kritik që po kalon Milan ku 2 javë përpara fundit rrezikojnë të hedhin në erë të gjithë sezonin. Tani “djalli” rrezikon jashtëzakonisht shumë të mbes edhe jashtë Champions League.
Në një intervistë për La Gazzetta dello Sport, Garry Cardinale ishte i qartë dhe i prerë, pa Champions League të gjithë janë në dyshim, do të ketë revolucion: “Deri në këtë pikë skuadra dhe trajneri kanë bërë një punë të mirë. Deri përpara ndeshjes kundër Lazio-s ishin në garë për titull, por në 5 ndeshjet e fundit hodhëm në erë të gjithë sezonin. Unë e di që këto gjëra ndodhin në futboll, por nuk më bëjnë të ndihem mirë. Jam shumë i zhgënjyer, por të paktën të fitojmë dy ndeshjet e fundit”, u shpreh fillimisht Cardinale.
Në intervistën e tij për La Gazzetta dello Sport, presidenti i fondit RedBird nuk përdori lojëra fjalësh, por ishte i prerë: “Nëse nuk do të arrijmë katër vendet e para do të jetë një dështim”, theksoi Cardinale. Këto fjalë të Garry Cardinale vetëm sa kanë përçarë Milan, kanë shtuar presion mbi trajnerin Allegri, mbi Igli Taren dhe pjesën tjetër të stafit drejtues. Jo vetëm trajneri dhe Drejtori Sportiv, edhe pozicioni i Ibrës dhe Furlanit janë në dyshim të fortë.
