Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
SPORT
Për të pamundurën, Dinamo fiton titullin me skenarin e çmendur
PiranjatPërditësimi i fundit 16 Maj 2026, 09:01
Dinamo do të përballet me Vllazninë mbrëmjen e sotme, duke nisur nga ora 19:00 në kuadër të fazës së fundit të Superiores.
Blutë arritën të kualifikohen në “Final 4” si vendi i katërt në klasifikim, për të siguruar një vend në Europë njëkohësisht, edhe pse me fi timin e Kupës, shanset janë që edhe në Europë të nisë gara nga turi i dytë. Shanset për të marrë trofeun e titullit kampion, janë minimale për Dinamon dhe në kufi jtë e të pamundurës megjithëse në futboll mund të ndodhë gjithçka dhe Dinamo ka treguar se është një skuadër që mund t’ia dalë ndaj rivalëve direktë, siç ka bërë me Egnatian apo edhe në Kupë me shkodranët, pasi i eliminoi në gjysmëfinale, falë golit të Bregut.
NDESHJA- Sfida mes Dinamos dhe Vllaznisë, është një nga sfi dat më të përsëritura të këtij sezoni duke qenë se mes tyre, janë përballur plot 6 herë deri më tani për këtë sezon futbollistik. 4 përballje ishin në kampionat dhe 2 të tjera në Kupë, teksa kjo është sfi da e shtatë. Sa i përket “Final 4”- it, Dinamo nuk ka kujtime shumë të bukura nga Vllaznia duke qenë se sezonin e shkuar, u eliminua nga shkodranët me rezultatin 2-1 në Tiranë, aty ku Vllaznia arriti të shkonte deri në fi nale dhe u mund nga Egnatia. Ajo humbje për Dinamon, ishte një dhimbje e madhe duke bërë që edhe trajneri Daja të pezullohej me 6 javë, duke humbur kështu ndeshjen e funditn të “Final 4” si edhe disa ndeshje të kampionatit aktual në fi llim të sezonit. Kështu, pasditen e sotme Dinamo veç mundësisë për të hyrë në garë, natyrisht do të kërkojë edhe hakmarrje ndaj Vllaznisë për t’i minimizuar ndoshta shanset për titull, e nga ana tjetër për të shpresuar që edhe rivalët e saj të ndalen dhe të mos arrijnë të marrin pikë të mjaftueshme.
SKENARI I TITULLIT- Dinamo e sheh veten aktualisht 7 pikë larg Vllaznisë dhe në lojë janë vetëm 9 pikë, çka e bëjnë thuajse të pamundur fi timin e titullit për skuadrën e drejtuar nga Daja. Dinamo duhet të shpresojë që Vllaznia të mos marrë më shumë se një pikë dhe thuajse në të njëjtin rrugëtim duhet të ecin edhe të tjerat. Aktualisht në përballjet direkte, Dinamo e ka rezultatin negativ, kështu që maksimumi i saj është nëse shkon 33 pikë. Dinamo mund të përfundojë në vendin e parë në një skenar të ngushtë ku gara mbyllet me diferenca minimale pikësh mes skuadrave kryesore. Në këtë variant, Dinamo e mbyll kampionatin me 33 pikë, duke marrë 9 pikë të plota nga 3 ndeshjet e fundit dhe duke fi tuar të gjitha përballjet direkte ndaj Vllaznisë, Elbasanit dhe Egnatias.
Vllaznia arrin të grumbullojë vetëm 1 pikë në ndeshjet e mbetura, duke barazuar me Elbasanin dhe duke humbur dy takimet e tjera, çka e çon në total në 32 pikë. Elbasani, nga ana tjetër, merr 2 pikë në total, duke regjistruar dy barazime ndaj Vllaznisë dhe Egnatias, ndërsa pëson humbje ndaj Dinamos, duke e mbyllur kampionatin me 33 pikë. Egnatia grumbullon 4 pikë, falë një fi toreje ndaj Vllaznisë dhe një barazimi me Elbasanin, ndërsa humbet përballë Dinamos, duke përfunduar me 32 pikë. Në këtë situatë, Dinamo dhe Elbasani mbyllin sezonin me nga 33 pikë, por vendimtar bëhet bilanci i përballjeve direkte, ku Dinamo ka avantazh, duke siguruar kështu vendin e parë dhe titullin kampion. Për momentin, Dinamo ka fi tuar një ndeshje ndërsa Elbasani ka fi tuar dy përballje direkte dhe e favorizon skuadrën verdheblu, por golaverazhi është 5-5 dhe çfarëdo lloj fi tore e Dinamos, e çon bilancin e ndeshjeve direkte në 2 me 2 me fi tore ndërsa golaverazhi do të jetë patjetër pozitiv për blutë.
