Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
SPORT
18-vjeçari Dro Fernández shkruan historinë, fiton dy kampionate brenda një sezoni
PiranjatPërditësimi i fundit 15 Maj 2026, 16:02
Me fitoren ndaj Lens, PSG u shpall kampion i Francës për herë të 14-të në histori dhe të pestën radhazi. Mes protagonistëve të festës ishte edhe talenti 18-vjeçar spanjoll Dro Fernández, i cili arriti një rekord të veçantë këtë sezon. Mesfushori ofensiv fitoi jo vetëm Ligue 1 me PSG-në, por edhe La Liga me Barcelonwn.
Në pjesën e parë të sezonit, Fernández zhvilloi 89 minuta me ekipin katalanas, çka sipas rregullores së kampionatit spanjoll mjafton për t’u shpallur kampion. Rregulli kërkon vetëm që lojtari të ketë luajtur të paktën një minutë dhe të ketë qenë i regjistruar zyrtarisht me skuadrën fituese.
18-vjeçari debutoi me Barcelonën më 28 shtator 2025 në fitoren 2-1 ndaj Real Sociedad. Më pas ai mori minuta edhe ndaj Elche, Athletic Bilbao dhe Atlético Madrid. Fernández provoi edhe emocionet e UEFA Champions League, ku debutoi me një asist në triumfin spektakolar 6-1 ndaj Olympiacos.
Në janar, PSG vendosi të investojë mbi 8 milionë euro për kartonin e tij. Me kampionët francezë, spanjolli ka luajtur 12 ndeshje mes kampionatit dhe Champions-it, duke realizuar edhe një gol në suksesin 4-0 ndaj OGC Nice.
Për talentin iberik, që sezonin e kaluar fitoi edhe UEFA Youth League me Barcelonën, këta janë trofetë e parë në futbollin e ekipit të parë. Tani ëndrra e radhës quhet finalja e UEFA Champions League më 30 maj në Budapest, ku Paris Saint-Germain do të përballet me Arsenalin.
