Ylli Zalla, i shpallur në kërkim për posedim të një arsenali armësh dhe i dyshuar për përfshirje në atentatin e R...
SPORT
“Përplasen” me ndeshjen e Superiores, mësoni duelet që luhen sot në Kategorinë e Parë
PiranjatPërditësimi i fundit 31 Janar 2026, 09:02
Sot në orën 13:30 do të zbresin në fushë 8 skuadra të Kategorisë së Parë, për të luajtur ndeshjet e vlefshme për raundin e 20-të.
LAÇI – LUFTËTARI Laçi ka një mundësi të artë për të ushtruar presion mbi Skënderbeun. Me një ekip të balancuar dhe ambicie të qarta për kreun, kurbinasit nuk kanë luksin të gabojnë ndaj një Luftëtari që po lufton për mbijetesë. Luftëtari vjen në këtë transfertë me nevojë jetike për pikë, por përballë një Laçi të fortë në shtëpi, çdo gabim mund të paguhet shtrenjtë. Nje takim me diferenca të dukshëm objektivash, titull kundër mbijetesës.
KUKËSI – BESA Një nga ndeshjet më interesante të javës zhvillohet në Kukës, ku vendasit nisin një kapitull të ri me trajnerin Bledi Kadiu. Debutimi i tij vjen në një moment kritik, kur Kukësi ndodhet në fund të tabelës dhe ka nevojë urgjente për kthesë. Besa, e pozicionuar në mesin e tabelës, synon të përfitojë nga presioni i vendasve dhe të afrohet me zonën e sipërme. Te verilindorët pritet të shihet efekti psikologjik i trajnerit të ri.
POGRADECI – KORABI Pogradeci, një nga surprizat e sezonit, kërkon të mbajë ritmin me dy skuadrat e kreut. Përballë Korabit, liqenorët kanë mundësi të konsolidojnë pozitat dhe të ruajnë distancën me ndjekësit. Korabi vjen me ambicien për të prishur ekuilibrat dhe për t’u rikthyer në garën për zonën “play off”. Në “Gjorgji Kyçyku”, kemi të bëjmë me një duel mes vazhdimësisë se Pogradecit dhe ambicies së Korabit.
ILIRIA – APOLONIA Iliria rikthehet të luajë në shtëpi, por pa tifozë, një faktor që mund të ndikojë në atmosferën e ndeshjes. Përballë Apolonisë, fushë-krujasit synojnë të shkëputen nga zona e rrezikut dhe të fitojnë qetësi në renditje. Apolonia, me një formë relativisht stabël, kërkon pikë që ta mbajnë në mesin “e artë” të tabelës. Aspekti psikologjik dhe rëndësia e pikëve janë maksimale, kryesisht te fushëkrujasit, që ende nuk e kanë shijuar fitoren me trajnerin e ri, Matias Tatanjelo.
