Ylli Zalla, i shpallur në kërkim për posedim të një arsenali armësh dhe i dyshuar për përfshirje në atentatin e R...
SPORT
Portieri më i paguar në Superiore, zbulohet shifra që do të marrë në muaj Visar Bekaj te Tirana
PiranjatPërditësimi i fundit 29 Janar 2026, 15:55
Visar Bekaj është zyrtarisht lojtari i ri i Ti ranës. Portieri i Kombëtares së Kosovës ka arritur marrëveshje me klubin bardheblu, dhe rikthimi i tij është konfirmuar për të forcuar repartin e portës dhe për të sjellë eksperiencën e nevojshme në skuadër.
Bekaj ka nënshkruar një kontratë për 1 vit e gjysmë, me një klauzolë shkëputjeje gjatë verës, që i mundëson një transferim të mundshëm jashtë vendit. Ai do të jetë gjithashtu lojtari më i paguar në Superiore, me një pagë mujore që kalon 15 mijë euro, një shenjë e qartë e investimit të klubit në objektivat e tij për pjesën e mbetur të sezonit. Ky rikthim shënon një kapitull të ri për portierin kosovar te Tirana, klub me të cilin ka pasur paraqitje shumë të mira në të kaluarën, duke mbajtur edhe shiritin e kapitenit.
Performancat e tij e bënë një nga figurat kryesore të skuadrës, ndërsa tifozët prisnin me padurim kthimin e tij për të forcuar sigurinë në portë dhe për të dhënë shembull profesionalizmi në fushë. Pas eksperiencës te Tirana, Bekaj u transferua në Turqi te Hatayspor, ku qëndroi për dy sezone, duke fituar përvojë në një kampionat më të fortë dhe duke u përballur me sfida të reja që i rritën nivelin e lojës. Më herët në karrierë, ai ka mbrojtur edhe ngjyrat e FC Prishtinës, duke treguar që gjithmonë mund të jetë një pikë referimi në repartin e portës.
Portieri 28- vjeçar është gjithashtu pjesë e Kombëtares së Kosovës, ku ka qenë rregullisht i grumbulluar. Rikthimi i tij te Tirana shihet si një lëvizje strategjike për klubin, që synon të mbajë stabilitet në mbrojtje, të shmangë rënien dhe të luftojë për objektiva më të larta në kampionat. Bekaj tashmë është integruar në stërvitje nën urdhrat e trajnerit Ardijan Nuhiju, dhe pritet të ketë një rol kryesor në ndeshjet e ardhshme.
Lojtari ka marrë menjëherë vëmendjen e tifozëve dhe mediave, ndërsa prishet për të dhënë eksperiencën dhe sigurinë e nevojshme për të udhëhequr skuadrën bardheblu drejt rezultateve pozitive. Me këtë lëvizje, Tirana tregon se është e vendosur të ndërtojë një skuadër konkurruese dhe të balancuar, ku përvoja e lojtarëve si Bekaj mund të bëjë diferencën në momentet vendimtare të sezonit.
