Prokuroria e Posaçme kundër Korrupsionit dhe Krimit të Organizuar (SPAK) ka refuzuar kërkesën e avokatëve britanikë p&eum...
SPORT
Real Madrid në kaos, prindërit e dy lojtarëve presion Perez-it për më shumë minutazh
PiranjatPërditësimi i fundit 9 Maj 2026, 11:33
Kriza te Real Madrid po thellohet edhe më tej, me klubin që po përballet jo vetëm me tensione brenda skuadrës, por edhe me ndërhyrje nga jashtë që po rrisin presionin mbi drejtuesit.
Sipas raportimeve të mediave spanjolle, situata në klub është përkeqësuar ndjeshëm këtë sezon, i cili tashmë konsiderohet i dështuar nga brenda ambientit madrilen. Problemet përfshijnë përplasje mes lojtarëve, incidente të rënda fizike dhe një dhomë zhveshjeje të ndarë.
Në qendër të polemikave janë përmendur edhe disa episode të rënda mes futbollistëve, përfshirë një përplasje të dyshuar mes Antonio Rüdiger dhe Fran García, si dhe një konflikt të fortë mes Aurelien Tchouameni dhe Federico Valverde, që sipas raportimeve ka përfunduar me pasoja fizike serioze për lojtarin uruguaian.
Ndërkohë, edhe Kylian Mbappé është vënë nën kritika për një udhëtim personal në Sardenjë, i cili është interpretuar si i papërshtatshëm në një moment të tillë tensioni për klubin.
Sipas “Cadena COPE”, një tjetër problem ka dalë në pah: presioni nga familjarët e disa futbollistëve. Raportohet se prindërit e dy lojtarëve të ekipit të parë, të dy të lidhur me kombëtaret e tyre, kanë kontaktuar vazhdimisht presidentin Florentino Pérez, duke kërkuar më shumë minuta loje për fëmijët e tyre.
Situata shihet si një tjetër shenjë e kaosit që po mbizotëron në klub, ku menaxhimi i brendshëm dhe ekuilibri i dhomës së zhveshjes janë vënë seriozisht në dyshim. Paralelisht, trajneri Alvaro Arbeloa dhe drejtuesit e klubit po përballen me një ambient gjithnjë e më të vështirë për t’u kontrolluar.
