Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
SPORT
Serbia përgatitet për Shqipërinë, masa të rrepta në Leskovac
PiranjatPërditësimi i fundit 9 Tetor 2025, 18:18
Serbia do masë forcat me Shqipërinë me 11 tetor, në një ndeshje që konsiderohet si e rrezikut të lartë. Për këtë takim që do mbahet në Leskovac, Federata Serbe ka publikuar së fundmi masat e marra.
Biletat për ndeshjen janë të personalizuara në mënyrë strikte dhe nuk do të jetë e mundur të hysh në stadium nëse emri në biletë nuk përputhet me dokumentin personal. FSS paralajmëron konkretisht se në disa komuna të jugut të Serbisë ka pasur interes për të blerë bileta në mënyrë të paligjshme, dhe ne paralajmërojmë se çdo blerje e tillë do të ishte një humbje parash, sepse në këtë mënyrë nuk do të jetë e mundur të hysh në stadium”, shkruan FSS.
”Për shkak të nivelit të lartë të kontrollit, të gjithë çakmakët, monedhat metalike dhe objektet e tjera të forta do të konfiskohen me hyrjen në stadium dhe kontrolli do të kryhet në dy pika. Prandaj u bëjmë thirrje të gjithë tifozëve që kanë bileta të vlefshme të vijnë herët, në mënyrë që të mund të marrin pjesë në fillimin e ndeshjes pa vonesë dhe në përputhje me rregullat. Siguria e lojtarëve, zyrtarëve, tifozëve dhe të gjithë pjesëmarrësve në ndeshje është përparësi absolute e Shoqatës së Futbollit të Serbisë dhe autoriteteve shtetërore”, shton ajo.
FSS thotë se nuk do të lejojë të ndodhë asgjë që do të rrezikonte zhvillimin e ndeshjes dhe në këtë mënyrë do të shkaktonte dëme konkurruese ose financiare për ekipin kombëtar, Federatën dhe Serbinë.
”Të gjitha autoritetet e rendit dhe ligjit do të reagojnë profesionalisht, me vendosmëri dhe pa vonesë ndaj çdo përpjekjeje për të shkaktuar një incident ose për të prishur rendin dhe qetësinë”.
