Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
SPORT
Superkompjuteri parashikon se kush e fiton Kupën e Botës 2026
PiranjatPërditësimi i fundit 3 Dhjetor 2025, 10:00
Shorti i Kupës së Botës 2026 do të zhvillohet në Uashington D.C. më 5 dhjetor, duke u lejuar tifozëve të të gjitha kombeve të fillojnë të planifikojnë rrugët e tyre për një kurorëzim të mundshëm në stadiumin MetLife të Nju Xhersit.
Gjashtëmbëdhjetë stadiume në Shtetet e Bashkuara, Kanada dhe Meksikë do të presin edicionin më të madh të turneut ndonjëherë, me numrin e ekipeve që do të rritet nga 32 në 48 dhe numrin e ndeshjeve që do të rritet nga 64 në 104.
Gjashtë nga ekipet që do të marrin pjesë në turne ende nuk janë përcaktuar, katër prej të cilave do të kualifikohen nëpërmjet Play Off-eve të UEFA-s dhe dy të tjera nëpërmjet Play Off-eve ndërkonfederale.
Por shumica e favoritëve janë përcaktuar, me Lionel Messin që shpreson ta ndihmojë Argjentinën të bëhet skuadra e parë që nga Brazili në vitin 1962 që mbron me sukses kurorën e saj.
Megjithatë, Argjentina do të përballet me një konkurrencë të ashpër, jo vetëm nga nënkampionia e vitit 2022, Franca, dhe kampionia në fuqi e Evropës, Spanja.
Ndërkohë, Anglia dhe Brazili shpresojnë që emërimet e Thomas Tuchel dhe Carlo Ancelottit të rezultojnë vendime frymëzuese.
Portugalia e Cristiano Ronaldos nuk duhet nënvlerësuar, ndërsa tre kombet pritëse do të përpiqen me çdo kusht të lënë gjurmë.
Përpara shortit të kësaj jave, superkompjuteri i Optas ka parashikuar shanset e skuadrave për të fituar Kupën e Botës.
Spanja është favoritja kryesore për të fituar Botërorin, e ndjekur nga Franca dhe Anglia.
Më pas vijnë Argjentina, Gjermania, Portugalia, Brazili dhe Holanda.
