Një plagosje ka ndodhur mbrëmjen e djeshme në fshatin Suk të Roskovecit, ku një shtetas dyshohet se është goditur me &ccedi...
SPORT
U eliminua nga Bodo, Interi mund gjobitet për shkak të sponsorit
PiranjatPërditësimi i fundit 4 Mars 2026, 08:13
Pas eliminimit nga UEFA Champions League, Inter rrezikon edhe një gjobë pas përballjes së dyfishtë me Bodø/Glimt. Në qendër të çështjes është sponsori i shfaqur në fanellat zikaltër në ndeshjen e parë në Norvegji, i lidhur me një faqe që operon në fushën e lojërave të fatit.
Sipas ligjeve vendase, të raportuara nga e përditshmja norvegjeze Aftenposten dhe të cituara nga media italiane, reklamat lejohen vetëm për operatorët shtetërorë si Norsk Tipping dhe Norsk Rikstoto. Çdo shkelje e këtyre rregullave mund të sjellë sanksione financiare.
Klubi norvegjez, që si organizator i ndeshjes mund të përballet gjithashtu me pasoja, ka deklaruar se ka vepruar në përputhje me rregullat dhe se ka informuar Interin paraprakisht për kufizimet ligjore në lidhje me reklamat e alkoolit dhe lojërave të fatit.
Ndërkohë, pozicioni i Interit po verifikohet nga autoriteti norvegjez i mbikëqyrjes së lojërave të fatit, Lotteritilsynet, i cili ka nisur hetime të detajuara. Sipas Bodø/Glimt, klubi italian kishte marrë më parë miratimin nga Federata Italiane për përdorimin e asaj fanelle me sponsorin përkatës.
Një rast i ngjashëm ishte regjistruar në tetor 2024, kur Interi luajti në transfertë ndaj Young Boys në Zvicër, ku rregullat për reklamat e basteve janë po ashtu të rrepta. Në atë rast, zikaltërit shmangën sanksionet pasi sponsori në fanellë konsiderohej si faqe infotainment dhe jo portal i drejtpërdrejtë bastesh, çka kishte marrë edhe miratimin e autoritetit italian të komunikimeve.
Çështja pritet të rikthehet në vëmendje edhe në raundin e ardhshëm të Ligës së Kampionëve, kur Sporting CP do të luajë në transfertë në “Aspmyra Stadion”. Klubi portugez, që ka si sponsor një agjenci bastesh, është informuar nga Bodø/Glimt dhe mund të detyrohet të paraqitet me një fanellë alternative për ndeshjen e fazës së 1/8-ave.
