Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
SPORT
VIDEO/ Sherr i pabesueshëm dhe përleshje trup më trup mes futbollistëve sapo arbitri i fryu bilbilit
PiranjatPërditësimi i fundit 17 Nëntor 2025, 19:19
Skena të pabesueshme u zhvilluan në Argjentinë gjatë ndeshjes Deportivo Madryn, Deportivo Morón për fazën gjysmëfinale të play-off-eve për ngjitje në divizionin B.
Gjatë ndeshjes, u zhvillua në një përleshje të përgjithshme brenda fushës, duke detyruar policinë të ndërhynte duke përdorur spraj. Kjo ishte ndeshja e dytë midis dy ekipeve, me Deportivo Morón që kishte fituar 1-0 në shtëpi dhe Deportivo Madryn që fitoi me të njëjtin rezultat në ndeshjen e dytë, por që mori biletën për në finale, për shkak të pozicionit më të mirë që kishte zënë në sezonin e rregullt të kampionatit.
Megjithatë, menjëherë pas fishkëllimës së fundit, lojtarët e të dyja ekipeve u përfshinë në përleshje të dhunshme, duke krijuar skena kaosi absolut në fushë.
Në videot që qarkulluan në rrjetet sociale, lojtarët e futbollit dhe anëtarët e të dy ekipeve shihen duke shkëmbyer goditje të dhunshme, me situatën që po del shpejt jashtë kontrollit.
Forcat e policisë të pranishme në stadium u detyruan të ndërhynin menjëherë, duke përdorur edhe sprej me piper , në një përpjekje për të shpërndarë grupet e lojtarëve që po përlesheshin në qendër të fushës.
