Nënkryetari i Partisë Demokratike, Belind Këlliçi ka “nxjerrë zbuluar” ministrin e Mbrojtjes Ermal Nufi.
Në një...
SPORT
VIDEO/ Skiatori përfundon garën 50 km i dehur në shenjë proteste kundër Norvegjisë
PiranjatPërditësimi i fundit 16 Mars 2026, 19:16
Zakonisht sportistët (në të gjitha sportet) kur kanë mundësinë freskohen me ujë ose pije izotonike..
Megjithatë, Gabriel Glendhill, një skitar britanik 23-vjeçar, shkaktoi habi dhe reagime të përziera me atë që bëri në garën e famshme 50 km Oslo-Holmenkollen, e cila konsiderohet një nga ngjarjet kryesore në botën e skive.
Glendhill, i cili gjatë pesë viteve të fundit udhëton shpesh në Norvegji për të stërvitur më me komoditet, ka bërë kërkesë për leje qëndrimi të përhershme dhe së fundmi është përfshirë në Team Aker Dæhlie Nordmarka, një ekip që përbëhet nga pesë britanikë dhe pesë skiatorë norvegjezë. Për të nënshkruar një kontratë të përhershme me ekipin, Glendhill duhej më parë të siguronte leje qëndrimi nga qeveria norvegjeze.
Megjithatë, të ardhurat shumë të ulëta që kishte i bënë autoritetet t’i thoshin “jo”. Si pasojë, britaniku do të duhet të kthehet në vendin e tij në fund të muajit, por pak para largimit pati mundësinë të merrte pjesë në një nga garat e famshme të qëndrueshmërisë, 50 km Oslo-Holmenkollen.
Me historinë e tij që u bë e njohur në të gjithë Norvegjinë, Gabriel Glendhill u bë personazhi kryesor i garës, pasi gjatë gjithë rrugës shikuesit e duartrokitnin, por nuk u ndalën vetëm këtu. Shumë prej tyre i ofruan birra dhe pije të tjera alkoolike, dhe britaniku, duke nderuar origjinën e tij, nuk refuzoi asnjë.
Rezultati? Gjatë garës ai ndaloi tre herë për të vjellë, disa herë ra mbi dëborë duke humbur ekuilibrin, dhe kur arriti në linjën e finishit (i 67-ti nga 69 pjesëmarrës), u bë e qartë se ai ishte në gjendje dehjeje.
“Për një sportist të nivelit tim, largimi i detyruar do të dëmtonte karrierën time,” tha ai ndër të tjera (në norvegjishten e rrjedhshme) dhe shtoi: “Ndoshta kjo ishte gara ime e fundit këtu, prandaj pranova të gjitha pijet alkoolike që më ofruan. Në fund, mezi mund të qëndroja në këmbë. Ishte e vështirë, por ja dola.” /PiranjatNews/
Holmenkollenilla naiset ja miehet hiihtävät ensi kertaa viidenkympin kisoja yhtä aikaa. Toistaiseksi mentiin vielä omina porukoina lenkkiä hieman eri kohdissa. ????????#ViaplayTalvipic.twitter.com/ilABXLvzUk
