Kreu i PD Sali Berisha është kthyer në Tiranë pas vizitës në SHBA, ku në një prononcim të shkurtër nga Rinasi ...
SPORT
ZYRTARE/ Goli i Nejmarit nuk e shpëton nga shkarkimi Vojvodën, klubi brazilian gjen menjëherë trajnerin pasardhës
PiranjatPërditësimi i fundit 19 Mars 2026, 15:32
Trajneri i Santos, Pablo Vojvoda, është shkarkuar pas humbjes 2-1 në shtëpi ndaj Internacionalit mbrëmë në Serie A braziliane.
Një penallti në minutën e 56-të nga Nejmar (i cili po pret thirrjen e Ançelottt në ekipin kombëtar) nuk mjaftoi për të shmangur një tjetër humbje të rëndë. Trajneri argjentinas u emërua gushtin e kaluar, por ai dështoi ta ndryshonte situatën e ekipit, duke i lënë ata në vendin e 16-të në ligë (një pikë mbi zonën e rënies nga kategoria).
Rekordi i tyre përfundimtar është 10 fitore, 14 barazime dhe 10 humbje. Klubi njoftoi lajmin këtë mëngjes në një deklaratë në rrjetet sociale.
“Santos FC njofton shkarkimin e trajnerit të saj Juan Pablo Vojvoda dhe anëtarëve të stafit të tij. Klubi i falënderon ata për shërbimet e tyre dhe u ron suksese në përpjekjet e tyre të ardhshme”, shkruhej në të.
Pasardhësi i tij është gjetur menjëherë dhe bëhet fjalë për trajnerin Kuka. “Klubi Futbollistik Santos finalizoi nënshkrimin e trajnerit KuKa këtë të enjte për pjesën e mbetur të sezonit. Trajneri i ri nënshkroi një kontratë të vlefshme deri në fund të vitit 2026. Kuka mbërrin në Peixe i shoqëruar nga ndihmëstrajneri Cuquinha dhe trajneri fizik Omar Feitosa. I lindur në Curitiba (PR), Alexi Stival është 62 vjeç dhe do të fillojë periudhën e tij të katërt në Klubin Futbollistik Santos. Më parë, trajneri ka drejtuar Alvinegro Praiano në vitet 2008, 2018 dhe 2020-2021”, thuhet në deklaratën e klubit brazilian.
