Policia e Tiranës ka intensifikuar kontrollet ndaj automjeteve luksoze që qarkullojnë në kryeqytet sot në 6 shtator.
Në fokus t...
AKTUALITET
Drogë, dhunë dhe skema mashtrimi, policia arreston disa persona
PiranjatPërditësimi i fundit 12 Nëntor 2025, 12:52
Policia e Tiranës ka shoqëruar dhe arrestuar disa persona gjatë 24 orëve të fundit për vepra të ndryshme penale.
Sipas policisë një 51 vjeçar me indicialet D.V., është arrestuar për heroinë ndërsa A. H., 35 vjeç ishte dënuar me burg për krijimin e skemave të mashtrimit.
Njoftimi i plotë i policisë:
Drejtoria Vendore e Policisë Tiranë
Specialistët për Hetimin e Narkotikëve arrestuan shtetasin D. V, 51 vjeç, pasi shërbimet e Komisariatit të Policisë Nr. 4 i gjetën një sasi lënde narkotike e dyshuar heroinë.
Specialistët për Hetimin e Trafiqeve të Paligjshme referuan materialet në Prokurori, ku nisi procedimi në gjendje të lirë për shtetasin N. D., pasi dyshohet se ka përdorur një automjet që, nga verifikimet, ka rezultuar i vjedhur në Itali. Automjeti u sekuestrua në cilësinë e provës materiale.
Specialistët për Hetimin e Krimeve Kibernetike referuan materialet dhe punojnë për shoqërimin e shtetasit E. H, 33 vjeç, pasi dyshohet se ka kanosur nëpërmjet mesazheve shtetasin K. K.
Specialistët për Hetimin e Krimeve Ekonomiko-Financiare, në bashkëpunim me specialistët e Seksionit të Kërkimit, kapën dhe ndaluan shtetasin A. H., 35 vjeç, pasi Gjykata e ka dënuar me 3 vjet burgim, për veprën penale “Krijimi i skemave mashtruese lidhur me tatimin mbi vlerën e shtuar”. Nga ky dënim, 35-vjeçarit i kanë mbetur për të vuajtur 1 muaj e 14 ditë burgim.
Specialistët për Hetimin e Krimeve të Komisariatit të Policisë Nr. 2:
-referuan materialet në Prokurori, ku nisi procedimi në gjendje të lirë për shtetasin E. S., pasi dyshohet se nuk i është bindur urdhërit të punonjësit të policisë për të ndaluar automjetin;
-referuan materialet në Prokurori, për shtetasen B. B, pasi ka kallëzuar bashkëshorti i saj, se shtetasja B. B, ka marrë fëmijën e tyre dhe është larguar jashtë vendin. Punohet për sqarimin e rrethanave të rastit;
-referuan materialet dhe shpallën në kërkim shtetasin J. P., 33 vjeç, pasi dyshohet se ka ushtruar dhunë ndaj bashkëjetueses së tij. Punohet për kapjen dhe shoqërimin e tij.
Specialistët për Hetimin e Krimeve të Komisariatit të Policisë Nr. 3 referuan materialet në Prokurori, ku nisi procedimi në gjendje të lirë për shtetasit:
-M. Sh., pasi dyshohet se nuk i është bindur urdhërit të punonjësit të policisë për të lëvizur automjetin, të cilin e kishte parkuar në menyrë të parregullt;
-P. V, pasi dyshohet se, për motive të dobëta ka goditur me grushte shtetasin K. B;
-G. D, pasi dyshohet se, për motive të dobëta ka goditur me grushte shtetasin G. B;
-të mitur 16 vjeç, pasi dyshohet se, për motive të dobëta ka goditur me grushte një 15-vjeçar.
Specialistët për Hetimin e Krimeve të Komisariatit të Policisë Nr. 4 referuan materialet në Prokurori, ku nisi procedimi në gjendje të lirë për shtetasit:
-Xh. O., A. Sh. dhe F. Gj., pasi dyshohet se shtetasja Xh. O. ka mashtruar shtetasit A. Sh. dhe F. Gj., në lidhje me kthimin e një shume parash të marra borxh, ndërsa këta të fundit dyshohet se e kanë kanosur shtetasen Xh. O., për këtë shkak;
-A. I dhe E. C, pasi dyshohet se për motive të dobëta kanë goditur me grushte shtetasin F. G.
Specialistët për Hetimin e Krimeve të Komisariatit të Policisë Nr. 5:
-arrestuan shtetasin L. Z, 34 vjeç, pasi dyshohet se ka ushtruar dhunë ndaj bashkëshortes së tij;
-ndaluan shtetasin A. Gj., 54 vjeç, i shpallur në kërkim për veprën penale “Dhuna në familje”;
-referuan materialet në Prokurori, ku nisi procedimi në gjendje të lirë për shtetasin V. D(Q), pasi dyshohet se për motive të dobëta ka goditur me grushte shtetasin D. Gj;
-referuan materialet në Prokurori, ku nisi procedimi në gjendje të lirë për shtetasin E. M, pasi dyshohet se ka përndjekur e kanosur me fjalë një 36-vjeçare.
Specialistët për Hetimin e Krimeve të Komisariatit të Policisë Nr. 6:
-arrestuan shtetasin A. B, 24 vjeç, pasi dyshohet se ka ushtruar dhunë ndaj bashkëshortes së tij;
-referuan materialet në Prokurori, ku nisi procedimi në gjendje të lirë për shtetasit J. A dhe M. Xh, pasi për motive të dobëta janë konfliktuar fizikisht me njëri-tjetrin;
-referuan materialet në Prokurori, ku nisi procedimi në gjendje të lirë për shtetasen E. T, pasi dyshohet se për motive të dobëta ka kanosur komshiun e tij;
-referuan materialet dhe shpallën në kërkim shtetasin E. P, pasi dyshohet se ka ushtruar dhunë ndaj nënës së tij. Punohet për shoqërimin e tij.
Specialistët e Qarkullimit Rrugor:
-arrestuan shtetasin B. S., 44 vjeç, pasi automjeti të cilin dyshohet se e drejtonte në gjendje të dehur është përplasur me automjetin me drejtues shtetasin Y. S;
-referuan materialet në Prokurori, ku nisi procedimi në gjendje të lirë për shtetasin G. K. pasi dyshohet se automjeti që drejtonte është përplasur me motomjetin me drejtues shtetasin K. Sh, i cili është dëmtuar dhe ndodhet në spital, jashtë rrezikut për jetën;
-referuan materialet dhe shpallën në kërkim shtetasin V. C, pasi dyshohet se ka humbur kontrollin e automjetit dhe për pasojë automjeti është përplasur me bordurën e rrugës dhe më pas ka braktisur automjetin duke bllokuar qarkullimin e lirë të automjeteve të tjera. Punohet për shoqërimin e tij.
Materialet procedurale i janë referuar Prokurorisë së Tiranës, për veprime të mëtejshme.
