Violand Braçellari, autori i vrasjes së efektivit Enea Meçollari dhe plagosjes së kolegut Edison Adri më 4 qershor në Maliq,...
AKTUALITET
21 Janari/ Berisha: Grupit të PD-së nuk i ka ardhur asnjë fletëthirrje!
PiranjatPërditësimi i fundit 17 Nëntor 2025, 11:03
Sali Berisha, gjatë një deklarate për mediat, para SPAK, tha se grupi parlamentar i Partisë Demokratike nuk ka marrë asnjë fletëthirrje lidhur me hetimet për ngjarjet e 21 janarit.
Berisha theksoi se i beson plotësisht deklaratës së sekretarit të grupit, Gazment Bardhi, sipas të cilit nuk ka pasur asnjë njoftim zyrtar, duke kundërshtuar informacionet e paraqitura nga Altin Troplini.
Kreu i opozitës shtoi se në këtë çështje çdo informacion duhet të verifikohet me përgjegjësi dhe se për çdo thirrje ligjore ai do të paraqitet vetë, duke respektuar ligjin dhe duke theksuar gatishmërinë e tij për të dhënë dëshmi në çdo rast.
Pjesë nga deklarata:
Unë them çfarë ka thënë zoti Gazment Bardhi. Zoti Gazment Bardhi ka deklaruar sa vijon: në kutinë postare të grupit parlamentar të PD nuk ka ardhur asnjë njoftim dhe unë i besoj 100 herë më shumë atij se Altin Troplinit. Nuk mund t’i besohet Troplinit. Pse ju i besoni?... ...Zoti Peleshi nuk ka sjellë asgjë. Zoti Peleshi le të provojë që e ka sjellë. Po unë nuk mund ta mohoj po ta kishte sjellë. Tani njëherë më thoni grup parlamentar, tani thoni zoti Peleshi. Po të vësh dorën në zjarr për Peleshin, të digjet dora dhe trupi. Muhabet është ai? Të më pyesësh për Peleshin mua... Tani, në radhë të parë të sqarojmë këtë moment. Momenti i dytë është absolutisht unë për çdo thirrje në gjykatë apo prokurori, unë paraqitem, ai është ligji im, ligj i pandryshuar i jetës time. Jam paraqitur dhe do paraqitem. Madje për temën, plotësisht, ndonëse është një temë, një çështje, një dosje e hetuar gjerësisht nga armiqtë e mi, armiqtë e egër publikë të Sali Berishës, ju e dini vetë si ka qenë Ina Rama, pra për këtë temë që është gjykuar, sikur të isha thirrur 10 herë, 10 herë do kisha shkuar. Nuk jam thirrur asnjëherë sepse kanë pasur frikë nga dëshmitë. Kanë pasur frikë për dëshmitë e mia.
