Kongresmenja demokrate amerikane Alexandria Ocasio-Cortez ka reaguar lidhur me protestat në Shqipëri, duke i bërë thirrje qeverisë sh...
AKTUALITET
29 vrasje në 9 muaj, ministrja Koçiu: Shqipëria është një vend i sigurt! Qytetarët thërrasin policinë për grabitje
PiranjatPërditësimi i fundit 11 Nëntor 2025, 11:44
Ministrja e Brendshme, Albana Koçiu e konsideron Shqipërinë vend të sigurt mbështetur edhe te fakti se vendi ka pritur 12 milionë turistë. Gjatë raportimit në Komisionin për Çështjet e Brendshme dhe të Mbrojtjes, Koçiu tha se vendi ka dalë nga lisat e zezë, ndërsa është ulur edhe numri i krimeve të rënda.
Ministrja deklaroi ndër të tjera se në 9 muajt e fundit janë bërë 29 vrasje nga 41 që ishin në të njëjtën periudhë të një viti më parë.
“Shqipëria është një vend i sigurt, dhe kjo faktohet nga çdo raport ndërkombëtar. Vendi ynë mirëpriti 12 milionë turistë, si dhe qytetarë të huaj që hapin biznese apo blejnë prona këtu. Shqipëria ka dalë nga të gjitha listat e zeza. Kemi rritur ndjeshëm sigurinë, duke arritur 94% zbulueshmëri për veprat penale. Në 20,19% të tyre janë zbardhur plotësisht. Janë konfiskuar dhe sekuestruar 65.5 milionë euro me burim nga kriminaliteti.
Asnjë turist nuk është bërë viktimë e krimeve. Është ulur numri i krimeve të rënda, në nëntëmujorin e parë të këtij viti janë regjistruar 29 vrasje me dashje, nga 41 që ishin në të njëjtën periudhë të një viti më parë. Janë reduktuar gjithashtu edhe aksidentet e rënda me 17% krahasuar me një vit më parë. Sa i përket krimit të organizuar dhe krimeve të rënda, kemi bërë progres të dukshëm. Komisioni Europian ka deklaruar se Shqipëria ka shënuar përparime në këtë drejtim”, tha ministrja.
