Një denoncim ka mbërritur në redaksinë e Piranjat News nga qyteti i Krujës, ku pretendohet se punonjës të institucioneve publ...
AKTUALITET
31-vjeçari humb jetën brenda lokalit, arrestohet administratori i Orange Club në Sarandë
PiranjatPërditësimi i fundit 10 Prill 2026, 14:16
Një ngjarje e rëndë është regjistruar një ditë më parë në Sarandë, ku një 31-vjeçar ka humbur jetën brenda lokalit “Orange Club”.
Sipas raportimeve, shtetasi Igli Gjoca ishte duke salduar disa hekura brenda lokalit, kur ka rënë në kontakt me rrymën elektrike dhe për pasojë ka humbur jetën.
Ndërkohë ditën e sotme Policia në Sarandë ka njoftuar se ka arrestuar administratorin lokalit në Sarandë, shtetasin, E.F 40-vjeç.
Ky i fundit akuzohet për veprat penale “Shkelja e rregullave të mbrojtjes në punë” dhe “Punësimi i paligjshëm”.
Igli Gjoca nga Bajkaj i Delvinës, ishte pronar i një servisi automjetesh në zonën e Vrionit dhe gjatë sezonit veror punonte edhe si kamarier në Sarandë. Sipas informacioneve të mbërritura në redaksinë tonë ai ishte thirrur për të kryer punë në “Orange Club”, që nuk lidhen me profesionin e tij.
33-vjeçari, i cili pritej të bëhej baba së shpejti, dyshohet se ishte duke salduar struktura hekuri në ambientet e lokalit kur ka rënë në kontakt me kabuj elektrikë në tokë. Ai është transportuar me urgjencë drejt spitalit të Sarandës, por nuk ka mundur të mbijetojë.
Policia vijon hetimet për zbardhjen e plotë të rrethanave të ngjarjes.
Njoftimi i policisë:
Specialistët për Hetimin e Krimeve të Komisariatit të Policisë Sarandë arrestuan në flagrancë për veprat penale “Shkelja e rregullave të mbrojtjes në punë” dhe “Punësimi i paligjshëm”, shtetasin E. F., 40 vjeç, banues në Ksamil, administrator i një lokali në Sarandë, pasi dje, gjatë punës në këtë lokal, ka humbur jetën shtetasi I. Gj., 33 vjeç, banues në Sarandë, i cili ishte punësuar në mënyrë të paligjshme. Nga veprimet e para hetimore dyshohet se ky shtetas ka humbur jetën si pasojë e kontaktit me rrymën elektrike. Vijojnë hetimet për dokumentimin e rrethanave të rastit.
