Teksa vendi ynë prej 53 ditësh po përballet me protesta masive, ku kërkohet dorëheqja e kryeministrit Edi Rama, mesazhi i arkitekti i...
AKTUALITET
“A e di mirë italishten, andej do e lëshoj”/ Zbardhet me përgjime dhe foto, si funksiononte grupi që çonte shqiptarët ilegalisht në Amerikë dhe Kanada
PiranjatPërditësimi i fundit 26 Janar 2026, 16:17
Është zbërthyer grupi me gjashtë persona të cilët transportonin shqiptarët ilegalisht nga Shqipëria drejt SHBA-ve dhe Kanadasë, kundrejt shumave që shkonin deri në 35 mijë euro. Bëhet fjalë për Hazir Macin dhe bashkëshorten e tij, Cekrez Nikoci, Ardian Pirani, Alfred Maci dhe Endrit Nezaj, të cilët akuzohen për ndihmë për kalim të paligjshëm të kufirit dhe falsifikim.
Në dosje, dokumentohen foto nga takimet që realizoheshin për të nisur shqiptarët drejt vendeve europiane, si Italia fillimisht, e më pas në Republikën Dominikane, me destinacion SHBA-në dhe Kanadanë. Në dosje përmendet edhe përgjimi mes Hazir Macit, i cili bashkëpunon me shtetasin Tahir Cena, për të dërguar një shqiptar nga Italia. Ai e pyet nëse di të flasë italisht.
Hazir Maci telefonon Tahir Cenën dhe zhvillojnë këtë bisedë:
“H- Po ca u ba me at djalin? T- Ai djali don me ashtu, or ti… H- Po ku janë fotot, e t’dhënat? T- Ta mar në telefon. H- Edhe a din a s’din… a din a din me fol mirë italisht? Se nga Italia do ta lëshoj unë atë! T- Jooo, italisht e din shumë mirë. H- Shumë bukur, me pasaportë italiane, me t’dhëna… me t’dhën. T- Rrofsh. H- Në 4 ka me ik… merre, do mduhen fotot. T- Hajd. H- (nuk kuptohet) gjatsi… edhe mbyll puna. T- Hajt… hajt…”
Në deklarimin e tij, Tahir Cena ka pranuar se njihet me shtetasin Hazir Maci dhe se i kujtohet se ka bërë një bisedë të tillë, pasi e kishte pyetur një djalë: nëse e njeh apo nuk e njeh se merret me këtë punë që çon njerëz andej “për jashtë shtetit”. Atij nuk i kujtohen të dhënat e personit, si dhe vendi në të cilin do të ikte personi, por origjina e tij ishte nga Kukësi,” thuhet në dosje.
Për hetimet, prokurori shqiptar dhe policia kriminale u ndihmuan edhe nga Shërbimi Diplomatik i Sigurisë dhe Zyra për Hetimet Kriminale jashtë SHBA-së, të cilët kanë marrë informacion dhe siguruar të dhëna edhe jashtë vendit tonë, duke nisur nga administrimi i linjës së ndjekur Shqipëri-Kosovë-Itali-Spanjë-Santo Domingo dhe deri tek vendi ku janë strehuar atje personat dhe personat që kanë kontaktuar secili prej tyre.
