Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
AKTUALITET
Aeroporti i Vlorës/ Tomorri: Asetet strategjike nuk mund t’u jepen biznesmenëve si Pacolli e Ademi
PiranjatPërditësimi i fundit 30 Tetor 2025, 22:53
Gazetari Klodian Tomorri, i ftuar në emisionin “Të Paekspozuarit”, u shpreh se sherri dhe akuzat mes aksionerëve të aeroportit të Vlorës, tregoi se tashmë po mbahet peng një investim strategjik që pritej t’i sillte zhvillim zonës, por tashmë që kjo dosje ka përfunduar në gjykatë, nuk dihet se kur do të përfundojë.
Sipas Tomorrit, asetet strategjike nuk mund t’u jepen sekserëve dhe biznesmenëve të tipit si Behgjet Pacolli dhe Valon Ademi.
“Ajo që po ndodh është se çështja ka shkuar në prokurori ku palët akuzojnë njëra-tjetrën. Valon Ademi ka bërë kallëzim penal për Behgjet Pacollin. Pacolli ka bërë kallëzim penal ndaj noteres dhe ish-administratorit për mashtrime, lidhur me shitjen e aksioneve. Thuhet se është një kontratë noteriale.
Ky është një sherr që mban të bllokuar një aset strategjik që mban peng ekonominë. Sot qytetarët shqiptarë nuk kanë një aeroport në Vlorë, nuk ka aeroport që do t’i sillte zhvillim se dy aksionerë zihen për mashtrime. Kjo në finale na tregon se asetet strategjike nuk mund t’u jepen sekserëve dhe biznesmenëve të tipit të atyre të dyve që janë ortakë. Është shndërruar puna që ai aeroporti duhej hapur që në prill. U përurua edhe para fushatës, erdhi Pacolli me avionin e tij dhe nuk u hap dhe nuk dihet se si do të shkojë dhe sa vite do të maarë kjo çështje. Ai opsioni i sekuestrimit do të jetë zgjidhja më logjike”– tha Klodian Tomorri.
