Izraelitët po përgatiten të votojnë në zgjedhje që konsiderohen ndër më të rëndësishmet në histori...
AKTUALITET
EMRI/ Këmbësorja përplaset nga makina, humb jetën 67-vjeçarja
PiranjatPërditësimi i fundit 21 Maj 2026, 08:40
Një aksident tragjik me pasojë vdekjen e një këmbësoreje është regjistruar pasditen e kësaj të mërkure në aksin kombëtar Librazhd–Prrenjas, në vendin e njohur si “Ura e Spatharit”.
Sipas burimeve nga vendngjarja për gazetarin Fatmir Popja, shtetasja Heidije Bajrami, 67 vjeçe, është përplasur nga një automjet tip “Toyota” me targa AA 209 JX, që drejtohej nga shtetasi Xheladin Omeri. Përplasja ka qenë e fortë, duke i shkaktuar të moshuarës plagë të rënda.
67-vjeçarja është transportuar me urgjencë drejt spitalit bashkiak të Librazhdit, por fatkeqësisht ka mbërritur pa shenja jete në urgjencë.
Policia mbërriti menjëherë në vendin e ngjarjes dhe nisi hetimet për zbardhjen e plotë të rrethanave të aksidentit, ndërsa drejtuesi i mjetit është arrestuar.
Specialistët e Qarkullimit Rrugor arrestuan në flagrancë shtetasin Xh. O., 38 vjeç, për veprën penale “Shkelja e rregullave të qarkullimit rrugor”, me pasojë vdekjen.
Rreth orës 19:45, në aksin rrugor “Librazhd-Prrenjas”, automjeti që drejtonte 38-vjeçari ka përplasur këmbësoren, shtetasen H. B., rreth 67 vjeçe.
Si pasojë e aksidentit, shtetasja H. B. ka humbur jetën.
Materialet procedurale do ti referohen Prokurorisë, për veprime të mëtejshme
