Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
Aksident në aksin rrugor Dukat-Babicë, përplasen dy automjete, përfundon në spital pasagjerja
S.BPërditësimi i fundit 27 Korrik 2024, 15:47
pamje nga ngjarja
VLORË- Një aksident ka ndodhur ditën e sotme në aksin rrugor Dukat-Babicë, në rrugën e Bypass-it, në vendin e quajtur “Kryqëzimi i Tragjasit”. Mësohet se një automjet tip Renault është përplasur me një tjetër automjet tip Peugeot.
Për pasojë pasagjerja e automjetit tip Peugeot është dëmtuar dhe ka mbetur e bllokuar brenda. Në vendngjarje ka mbërritur shërbimi TNT, i cili ka bërë të mundur nxjerrjen e pasagjeres ku u dërgua në spitalin e Vlorës për mjekim.
Grupi hetimor po punon për sqarimin e rrethanave të aksidentit.
Njoftimi i plotë:
Sot, në aksin rrugor Dukat-Babicë, në rrugën e Bypass-it, në vendin e quajtur “Kryqëzimi i Tragjasit”, shtetasi M. K., duke drejtuar automjetin tip “Renault”, është përplasur me automjetin tip “Peugeot”, me drejtues shtetasin V. Ç., dhe me pasagjere shtetasen D. A., e cila është dëmtuar, duke mbetur e bllokuar brenda automjetit.
Menjëherë në vendngjarje ka mbërritur shërbimi TNT i planizuar në këtë aks rrugor, të cilët në bashkëpunim me shërbimin zjarrfikës, kanë përdorur pajisjet përkatëse për këto ndërhyrje, duke bërë të mundur nxjerrjen e shtetases së dëmtuar dhe drejtuesit të mjetit “Peugeot”, si dhe kanë dhënë ndihmën e parë deri në mbërritjen e shërbimit mjekësor.
Pasagjerja e dëmtuar është transportuar në spitalin e Vlorës dhe ndodhet nën kujdesin e mjekëve.
Grupi hetimor po kryen veprimet e mëtejshme në lidhje me sqarimin e rrethanave të aksidentit.
