Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet për një tjetër grup të ...
AKTUALITET
Aksident tragjik në Indi/ Treni i pasagjerëve përplaset me atë të mallrave, humbin jetën 11 persona
PiranjatPërditësimi i fundit 7 Nëntor 2025, 17:10
Një tren pasagjerësh është përplasur me një tren mallrash në Indinë qendrore gjatë natës, duke vrarë të paktën 11 persona. Treni lokal i pasagjerëve goditi trenin e mallrave nga prapa, pranë qytetit Bilaspur. Mediat e huaja shkruajnë se një nga vagonët e pasagjerëve përfundoi sipër një vagoni nga treni i mallrave. Pas disa orësh përpjekjesh, ekipi i shpëtimit e uli vagonin në tokë dhe përdori prerës hekuri për ta hapur, duke gjetur tre trupa të tjerë të vdekur.
Operacioni i shpëtimit përfundoi herët të mërkurën dhe lëvizja e trenave nëpër vendin e aksidentit ka rifilluar. Midis atyre që u shpallën të vdekur ishte edhe shoferi i lokomotivës së trenit të pasagjerëve, ndërsa bashkëpilotja e tij, një grua, u plagos rëndë dhe u shtrua në një spital privat. Rreth 20 persona u plagosën në aksident dhe po trajtohen në spitalet lokale.
Në një deklaratë, operatori i rrjetit Indian Railëays tha se ka filluar një hetim për shkakun e aksidentit. Gjithashtu kërkoi ndihmë financiare për familjet e të ndjerëve dhe të plagosurve. Përplasjet e trenave nuk janë të rralla në Indi. Më shumë se 12 milionë njerëz udhëtojnë me 14,000 trenat e Indisë çdo ditë në 64,000 kilometra shina.
Pavarësisht përpjekjeve të qeverisë për të përmirësuar sigurinë hekurudhore, ndodhin disa qindra aksidente, disa prej të cilave vdekjeprurëse.
