Gjyqtarët e Republikës kërkojnë zbatimin e menjëhershëm të vendimit të Gjykatës Kushtetuese për pagat e magj...
AKTUALITET
Aksidenti tragjik i 7-vjeçarit në Tiranë, arrestohen dy shoferë. I mituri u përplas dy herë (Emrat)
PiranjatPërditësimi i fundit 24 Shkurt 2026, 21:56
Dy persona kanë përfunduar në pranga pas aksidentit fatal që i mori jetën një 7-vjeçari në Tiranë.
Në pranga kanë përfunduar Tomor Shukulli dhe Valentina Koltraku.
Fillimisht, i mitur është goditur nga Tomorr Shukulli e më pas nga makina tjetër që drejtohej nga Valentina Koltraku.
Njoftimi:
Identifikohen dhe vihen në pranga drejtuesit e 2 automjeteve të përfshira në këtë aksident. Gjenden dhe sekuestrohen 2 automjetet.
Si rezultat i hetimeve të kryera nga grupi i posaçëm, menjëherë pas aksidentit të ndodhur rreth orës 11:20 të datës 24.02.2026, në rrugën “Kastriotët”, si pasojë e të cilit humbi jetën një 7 vjeçar, specialistët e qarkullimit rrugor identifikuan dhe arrestuan autorët e dyshuar të rastit, shtetasit T. Sh., 55 vjeç dhe V. K., 42 vjeçe.
Nga veprimet hetimore të deritanishme dyshohet se i mituri është përplasur fillimisht nga automjeti që drejtonte 55-vjeçari dhe më pas nga automjeti që drejtonte shtetasja V. K.
Të dy drejtuesit e automjeteve janë larguar nga vendi i aksidentit. Gjatë veprimeve hetimore, 55-vjeçari, i cili e ka transportuar të miturin, në spital, ka tentuar të mohojë dijeninë rreth aksidentit.
Hetimet vijojnë për të individualizuar dhe dokumentuar përgjegjësinë penale të secilit prej të arrestuarve. Materialet procedurale iu referuan Prokurorisë së Tiranës, për veprime të mëtejshme.
