Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
AKTUALITET
Anila Hoxha zbulon detajet për Ballukun: Hetimet po shkojnë më tej, nga Aeroporti i Vlorës te pastrimi parave!
PiranjatPërditësimi i fundit 21 Nëntor 2025, 09:03
Gazetarja Anila Hoxha zbardh detaje lidhur me skandalin e zv.kryeministres, Belinda Balluku, ndaj të cilës GJKKO vendosi sot dy masa; pezullimin nga detyra dhe bllokimin e pasaportës, pasi ajo akuzohet për shkelje të barazisë në tenderin për Tunelin e Llogarasë dhe për projektin e Unazës së Madhe loti nr4.
Hoxha tha se kur Balluku po mbante fjalën në kuvend në seancën e 19 nëntorit, SPAK e kishte dhënë verdiktin dhe se masat ndaj saj u aprovuan që prej ditës së djeshme.
Në intervistën e saj për Top Story gazetarja tha se SPAK po heton përtej dy tenderave për të cilët akuzohet Balluku.
Ajo tha se po kryhen hetime edhe për aeroportin e Vlorës dhe disa transkaksione, ndërsa shtoi hetimet po drejtohen edhe drejt dyshimeve për një skemë të pastrimit të parave.
Anila Hoxha: "Kur fliste në parlament, SPAK e kishte dhënë verdikitn e tij. Masat u aprovuan pasditen e djeshme. Janë masa të bëra publike prej orësh. Për zonjën Balluku janë dy masa që e pezullojnë nga të dyja detyrat. Masa e dytë është masë që e ndalon të largohen nga vendi.
Gjatë kësaj vjeshte, veprimet ishin të kuptueshme për ata që ishin në hetim dhe drejt të cilëve SPAK po shkonte. Janë një sërë proces-verbalesh. Historia nis me dy kallëzime të politikës që qëndrojne prej muajsh me veprime paraprake.
Të dhënat u gjeneruan nga telefoni i Berberi, që flasin për të gjithë procedurën. Kushdo në ministri, kur e kupton që vijnë shkresa apo kontrolle të behta, i ka indiciet që diçka po ndodh. Këto shkresa i kanë shkuar gjatë muajve të fundit dhe kanë kulmuar më 31 tetor ku iu komunikua akuza, ku iu vendosën në dispozicion aktet. Qartazi, kuptohet që SPAK është duke kryer edhe veprime të tjera. Edhe për aeroportin e Vlorës dhe disa transaksione. Nga mënyra si po i përkon shkresat, më duket sikur po shkon drejt hedhjes së dyshimeve për një skemë të pastrimit të parave."
