Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Arratisje si në filma duke përplasur makina e duke qëlluar me armë/ Zbulohet emri i personit që arrestuan “Shqiponjat”
PiranjatPërditësimi i fundit 5 Tetor 2025, 13:40
Është zbuluar emri i personit që përplasi me makinë automjete të tjera, duke plagosur disa persona, teksa po tentonte t’u shpëtonte “Shqiponjave”.
Personi në fjalë mësohet se është Imer Krashi, i cili nuk i është përgjigjur patrullës së “Shqiponjave” për të ndaluar, duke u larguar me shpejtësi dhe duke qëlluar me armë.
Policia e ka ndjekur për ta ndaluar dhe gjatë ndjekjes ai ka përplasur disa makina, mes të cilëve edhe motorin e një polici që është në gjendje të rëndë për jetën, që po udhëtonte me gruan e tij dhe ka dëmtuar disa makina.
31-vjeçari është kapur në zonën e Liqenit të Thatë dhe gjatë kontrollit i është gjetur një armë.
Njoftimi i policisë:
Tiranë/Informacion paraprak
Rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin I. K., 31 vjeç, pasi kishin marrë informacion se 31-vjeçari qarkullonte me armë zjarri.
Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.
Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë.
Infomacion më të detajuar do të jepet në përfundim të veprimeve proceduriale.
