Arrestimi i gazetarëve që dyshohet se shisnin lëndë narkotike/ Shoqata e Gazetarëve Profesionistë: Ergis Noka nuk është i anëtarësuar te ne, dokumenti, fals

TIRANA- Shoqata e Gazetarëve Profesionistë të Shqipërisë ka reguar për lajmin e arrestimit të 4 gazetarëve të një portali të cilët dyshohet se shisnin lëndë narkotike në zonën e ish-Bllokut. Shoqata e Gazetarëve Profesionistë të Shqipërisë thotë se një nga personat, Ergis Noka kishte dokumentin në foto që ngjan me kartën e IFJ, që përdorin anëtarët e shoqatës.

Në reagimin sqarues shtohet se  Noka nuk është anëtar i Shoqatës së Gazetarëve profesionistë të Shqipërisë dhe ai dokument është i faksifikuar. Gjithashtu Shoqata shton se cilido nga anëtarët që ka një kartë të IFJ-së, e dallon me sy të thjeshtë që elementet në dokument nuk janë ato që ka karta origjinale e Ferderatës Ndërkombëtare të Gazetarëve, pjesë e së cilës është Shoqata e Gazetarëve Profesionistë të Shqipërisë.

REAGIMI:

Shoqata e Gazetarëve Profesionistë të Shqipërisë u njoh me lajmin e aksionit të policisë sot në zonën e ish bllokut, ku u arrestuan katër persona për shitje droge. Një nga personat, shtetasi Ergis Noka kishte dokumentin në foto që ngjan me kartën e IFJ, që përdorin anëtarët e shoqatës sonë.

Për transparencë publike sqarojmë se, shtetasi Ergis Noka nuk është anëtar i Shoqatës së Gazetarëve profesionistë të Shqipërisë dhe ai dokument është i faksifikuar. Cilido nga anëtarët tanë, që ka një kartë të IFJ-së, e dallon me sy të thjeshtë që elementet në dokument nuk janë ato që ka karta origjinale e Ferderatës Ndërkombëtare të Gazetarëve, pjesë e së cilës është Shoqata e Gazetarëve Profesionistë të Shqipërisë.

Ai dokument nën emrin Ergis Noka është fals dhe si mbajtësi, ashtu edhe prodhuesi duhet të mbajnë përgjegjësi ligjore për falsifikim.

shoqata e gazetarëve profesionistë të shqipërisë 

tirana