Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
INVESTIGIME
Pas vëzhgimit të “Piranjave”, Inspektorati Kombëtar i Mbrojtjes së Territorit gjobit Bashkinë e Krujës
PiranjatPërditësimi i fundit 6 Qershor 2025, 21:27
KRUJË- Prej dy mujash “Piranjat” kanë dëshmuar me fakte masakrën mjedisore me mbetjet në dy qytete Shijak dhe Fushë Krujë. Në të dyja këto vende janë krijuar landfille për depozitimin e mbeturinave në kundërshtim me ligjin dhe jashtë çdo rregulli teknik.Bashkia e Krujës, ku bën pjesë edhe Fushë Kruja, përfshihet në qarkun Durrës dhe mbetjet duhet t’i depozitojë në ZMM e Tiranës, në Sharrë. Por bashkia në fjalë nuk e ka respektuar këtë vendim dhe ka sajuar një vend, që nuk plotëson asnjë lloj kushti për depozitimin e mbeturinave. Të gjitha plehrat e Bashkisë së Krujës hidhen në Kodër Dollak, në fshatin Kameras të Fushë Krujës.
Një landfill i krijuar pa një plan të qartë, pa përmbushur kushtet specifike për një venddepozitim mbetjesh.E vetmja gjë që ka bërë Bashkia e Krujës është një projekt i gushtit të vitit 2019 me në fokus shërbim mirëmbajtje venddepozitimi mbetjesh të ngurta urbane. Shkeljet në hartimin e këtij projekti janë flagrante, sepse edhe pse Kruja nuk ka asnjë landfill të licencuar, në projekt vendi në Kodër Dollak cilësohet si landfill në kategorinë C2. Sipas relacionit teknik të përgatitur nga Ministria e Turizmit dhe Mjedisit, afati i përdorimit parashikohej për 3 vjet deri në përfundim e venddepozitimit të mbetjeve në Tiranë, ndërsa në krye të planzbatimit kohëzgjatja ishte 5 vite. Por në fakt këto afate janë tejkaluar dhe Kodër Dollaka vazhdon të jetë një landfill që mbledh gjithë plehrat e qytetit.
Kompania, e cila është kontraktuar nga bashkia e Krujës për mbledhjen dhe depozitimin e mbetjeve, është Alba Konstruksion, që disponon vetëm leje mjedisore të tipit C, që është shfuqizuar dhe për landfille duhet leje e tipit A ose B. Por këto leje nuk janë miratuar nga Agjencia Kombëtare e Mjedisit për vendodhjen Kodër Dollak. Gati një muaj pas vëzhgimit të parë të kryer mga “Piranjat”, më datën 20 maj 2025, Inspektorati Kombëtar i Mbrojtjes së Territorit ka kryer një inspektim pikërisht në Kodër Dollak, fshati Kameras në Fushë Krujë. Pas këtij inspektimi, Inspektorati Kombëtar për Mbrojtjen e Territorit konstatoi gjithsej tetë shkelje. Ky institucion ka evidentuar se Bashkia e Krujës nuk disponon leje mjedisore për vendgrumbullimin e mbetjeve në Kodër Dollak.
Duke u bazuar në ligj, mbetjet nuk duhen përzier me mbetje ose materiale të tjera që kanë veti të ndryshme nga të tyret. Por as kjo pikë nuk është respektuar pasi janë vërejtur përzierje të mbetjeve me veti të ndryshme. Ndër të tjera në proceverbal, Inspektorati Kombëtar i Mbrojtjes së Territorit shkruan se Bashkia Krujë në venddepozitimin e paligjshëm në Kodër Dollak nuk disponon infrastrukturë për të asgjesuar mbetjet e parikuperueshme me operacione të sigurta asgjesimi. Ligji ka parashikuar se mbetjet duhet të transportohen me mjete që janë të licencuar nga Qendra Kombëtare e Licencave në nënkategorinë III. 2. B.
Ndërkohë IKMT ka konstatiar se mjetet e bashkisë i transprtojnë mbetjet pa qenë të pajisur me licencat përkatëse. Procesverbali e bën të qartë njëherë e mirë se mbetjet në Kodër Dollak po hidhen në një vend të ndaluar, duke kryer veprime në kundërshtim me ligjin, sepse në asnjë mënyrë nuk lejohet grumbullimi i mbeturinave në zonat publike, parcelat bujqësore, pranë kanaleve kulluese e ujitëse, si dhe në cdo vend tjetër ku dëmtohen tokat, bimët dhe kafshët. Për të gjitha këto shkelje Bashkia e Krujës rrezikon të dënohet me disa gjoba, të cilat shkojnë në total 44 milionë lekë minimumi, ose 75 milionë lekë maksimumi. Në lidhje me këtë skandal “Piranjat” u përpoqën të kontaktonin me kryetarin e Bashkisë së Krujës dhe për disa ditë me radhë e kërkuan në institucion, por ai nuk u paraqit.
