Violand Bracellari, autori i ngjarjes së rëndë
Autori i vrasjes së një polici dhe plagosjes së një efektivi tjetër ...
AKTUALITET
Arrestimi i pedagogëve për “shpërdorim detyre”/ Dosja: Për të kaluar studentët merrnin jo vetëm para, por edhe patate!
M.B.Përditësimi i fundit 4 Nëntor 2024, 18:09
ELBASAN- Vijojnë të dalin të tjera detaje nga arrestimi i 6 pedagogëve të Universitetit Aleksandër Xhuvani në Elbasan dhe shpalljes në kërkim të njërit prej tyre. Bazuar në dosjen e Prokurorisë, mësohet se pedagogët nuk kanë marrë vetëm para për të kaluar studentët e tyre nëpër provime, por edhe patate. Kjo ka rezultuar nga zbardhja një bisedë mes njërës prej pedagogeve dhe një studenteje, e cila i thotë se i ka sjellë një thes me patate dhe e pyet se ku mund t’ia linte
Ndërkohë Gjykata e Shkallës së Parë e Juridiksionit të Përgjithshëm Elbasan ka njoftuar se ka caktuar seancën për “Vleftësim arresti dhe caktim mase sigurie ”, ditë e martë të kësaj jave. Gjatë operacionit policor “Teza” u arrestuan pedagoget:
1-Ornela Bilali, Lënda: Arti dhe krijimtaria në fëmijërinë e hershme. 2. Zyhra Gripshi, Lënda: Puna me familjen dhe komunitetin. 3. Adrian Shingjergji, Lënda: Edukimi motorrik dhe lojërat lëvizore. 4. Beatriçe Gani, Lënda: Të mësuarit nëpërmjet lojës. 5. Edlira Gugu, Lënda: Letërsi për fëmijë. 6. Florinda Tarusha, Lënda: Filozofi e edukimit. 7. Monika Hodaj, Lënda: Edukim gjinor ne fëmijërinë e hershme. 8- Gazmend Hodaj,sekser.
Gjatë kontrollit u gjetën dhe u sekuestruan tezat e provimeve të studentes 31 vjeçe e cila kishte kaluar në të gjitha provimet e sezonit të vjeshtës duke korruptuar pedagoget nëpëmjet një sekseri. Specialistët e Seksionit për Hetimin e Krimeve Ekonomike dhe Financiare, pas denoncimit të bërë në Prokurorinë pranë Gjykatës së Shkallës së Parë të Juridiksionit të Përgjithshëm Elbasan për një rast të shpërdorimit të detyrës duke kaluar në mënyrë të parregullt në provime një studente 31 vjeçe me qëllim për të përfituar shuma parash, organizuan dhe finalizuan operacionin policor të koduar “Teza”.
Sipas Prokurorisë pedagogët kanë shpërdoruar detyrën, duke kaluar në mënyrë të parregullt në provime një studente 31 vjeçe, me qëllim për të përfituar shuma parash të cilat i ka marrë shtetasi Gazmend Hodaj.
Nga kontrolli në zyrat e pedagogëve u gjetën dhe sekuestruan në cilësinë e provës materiale edhe tezat e provimeve të studentes dhe dokumenta të tjera në lidhje me rastin korruptiv. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për disa veprat penale.
