Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
Arrestimi i Safet Bajrit, SPAK caktoi masë sigurie edhe për dy anëtarët e grupit Bajri për përplasjen me armë në Bushat
r.llPërditësimi i fundit 21 Shkurt 2025, 13:55
safet barji
SHKODËR- Safet Bajri është arrestuar me urdhër të SPAK, ditën e sotme në Shkodër nga Forcat Speciale të RENEA-s. Bajri po shoqërohet drejt Tiranës për tu marrë në pyetje.
Arrestimi i tij vjen 3 ditë pasi SPAK ushtroi kontroll në banesën e tij në Dobraç të Shkodrës. Ndërkohë dy anëtarë të grupit "Bajri", konkretisht Izmir Sakica dhe Samuel Troshani, ndodhen në burg pasi u vetëdorëzuan më 22 janar në policinë e Shkodrës. Dy të vetëdorëzuarit ishin shpallur në kërkim nga policia për dhunimin e 62-vjeçarit, Vladimir Bruçi.
Ndërkohë më 19 shkurt, SPAK ka kërkuar pranë Gjykatë së Posaçme caktimin e masave arrest me burg për Troshanin dhe Sakicën. Sipas hetimeve të Prokurorisë së Posaçme Sakica dhe Troshani në bashkëpunim edhe me një person me iniciale F.l akuzohen si të implikuar në atentatin e dështuar, ndërsa akuzohen gjithashtu edhe për grup të strukturuar kriminal, armbëmbajtje pa leje dhe vrasje e mbetur në tentativë.
Nga hetimet e prokurorisë, ka rezultuar se personat e lartpërmendur kanë qenë të armatosur dhe ka dyshime të arsyeshme të bazuara në prova, se ata kanë shkuar në Rranxë të Bushatit me qëllim vrasjen e personit nën hetim Aleksandër Prendi dhe familjarëve të tij, banorë të kësaj zone.
SPAK sqaron se në kohën që ata kanë qenë duke kaluar në këtë zonë, janë qëlluar me armë zjarri nga Prendi. Nga provat e siguruara në vendin e ngjarjes rezulton të ketë pasur shkëmbim zjarri, jo dëmtime të shëndetit të personave të përfshirë, por vetëm të mjeteve. SPAK vijon më tej në 18 shkurt 2025, Drejtoria e Përgjithshme e Policisë së Shtetit në bashkëpunim me Byronë Kombëtare të Hetimit kanë ekzekutuar masat e sigurisë për personat nën hetim Izmir Sakicën dhe Samuel Troshanin.
