Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
Automjeti përplaset me motorin, mjeti i vogël shpërthen në flakë. Rëndë 36-vjeçari
PiranjatPërditësimi i fundit 22 Shkurt 2026, 10:44
Një 36-vjeçar me shtetësi shqiptare është shtruar në gjendje të rëndë në spitalin Ospedale Versilia, pasi u përfshi në një aksident me një furgon, teksa lëvizte me motorin e tij, i cili pas përplasjes mori flakë duke i shkaktuar djegie në pjesë të ndryshme të trupit.
I riu, i hedhur në tokë si pasojë e përplasjes, ka pësuar gjithashtu traumë në kokë si dhe dëmtime në krahë dhe këmbë.
Përplasja e fortë ndodhi dje në mëngjes, pak para orës 12:30, në via della Carraia, në zonën e Capezzano Pianore. Në vendngjarje ndërhynë menjëherë Policia lokale e Camaiore, si dhe ambulanca (me infermier në bord) e Misericordia di Camaiore dhe Misericordia di Lido di Camaiore, përveç zjarrfikësve nga reparti i Pietrasanta.
Dinamika e aksidentit është ende nën hetim nga Policia lokale, e cila po kryen të gjitha verifikimet e nevojshme për të zbardhur rrethanat e ngjarjes. Për momentin, ajo që dihet është se drejtuesi i furgonit është një artizan 50-vjeçar me banim në Capezzano Pianore, ndërsa drejtuesi i motori, siç u tha, është një 36-vjeçar shqiptar me banim në Camaiore.
Përkeqësimin e pasojave të përplasjes së fortë e ka shkaktuar fakti që motori mori flakë, me zjarrin që dogji pjesërisht rrobat e të riut, i cili më pas u përplas në tokë duke pësuar plagë të rënda. Drejtuesi i motori u transportua me kod të kuq në urgjencën e spitalit Ospedale Versilia dhe u shtrua me prognozë të rezervuar për shkak të frakturave të rënda të pësuara në të gjithë trupin, veçanërisht në gjymtyrë. /PiranjatNews/
