Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
AKTUALITET
“Autorët ishin në këmbë, qëlluan 20 herë dhe u kthyen sërish”, flet i afërmi i Gentian Bejtjas
PiranjatPërditësimi i fundit 5 Korrik 2023, 21:00
Detaje të reja kanë dalë lidhur me ngjarjen e ndodhur mesnatën e 4 korrikut në Krujë, ku i vdekur mbeti Ramazan Sino, kunati i Gentian Bejtjas dhe u plagosën dy fëmijet e mitur të këtij të fundit.
Burime për mediat bëjnë me dije se në deklaratën e dhënë një nga të afërmit e ish-policit Gentian Bejtja kanë bërë me dije se autorët ndodhehin në këmbëm, pasi makinën e kishin parkuar në rrugë. Ai tha se për shkak të errësirës nuk mundi të shihte fytyrat e tyre, por vetëm hijet. Sipas tij, pasi ka dëgjuar rreth 20 të shtëna arme, autorët janë larguar për disa metra dhe kanë qëlluar sërish në drejtim të banesës së Bejtjes për herë të dytë.
Lidhur me këtë ngjarje deri më tani janë shoqëruar 10 persona për tu marrë në pyetje.
Pak pas mesnatës së 4 korrikut breshëri automatiku u regjistruan në fshatin Larushk të Krujës. Si psojë mbeti i vdekur Ramazan Sino, kunati i Gentian Bejtjes, ish-policit i cili është i njohur në botën e krimit, i cili ishte dhe shënjestër e atentatit.
Gjithashtu, mbetët të plagosur dy fëmijët e Bejtjes, 13 dhe 10 vjeç. Atentati u shënua rreth orës 00:15, në oborrin e banesës së Gentian Bejtjas në fshatin Larushk, 20 km larg qytetit të Krujës.
Ramazan Sino 29-vjeç, bashkë me nipat e tij Alvi Bejtja,13-vjeç, dhe djali tjetër 10 vjeç (djemtë e Gentian Bejtjas) u qëlluan me breshëri automatiku në oborrin e banesës. Ramazan Sino ndërroi jetë në vend si pasojë e plagëve të marra, ndërsa dy të miturit u dërguan në spital dhe ndodhen nën kujdesin e mjekëve në spitalin e Traumës në Tiranë.
Dyshohet se shënjestër e atentatit ka qenë pikërisht Gentian Bejtja, një person me presedentë penalë, që u ka shpëtuar dhe dy atentateve të tjera, një në vitin 2016 dhe një tjetër në vitin 2022, ku u plagos në krah.
Policia bëri me dije ditën e djeshme se pas kontrolleve të kryera rreth zonës u shoqëruan në Komisariat Durim Bami, Valter Bami dhe Marklen Haka, të cilët njihen ndryshe si “të fortët” e Niklës. Shoqërimi i tyre u bë pasi dyshohet mund të kenë dijeni për ngjarjen.
