Radhë e gjatë automjetesh është krijuar në pikën kufitare të Kakavijës, në krahun e palës greke.
Burime nga...
AKTUALITET
Avokati: Bllokohet vendimi në Kushtetuese për Balluku, kërkesa e Ramës i kalon Mbledhjes së Gjyqtarëve
PiranjatPërditësimi i fundit 2 Dhjetor 2025, 17:49
Avokati Genc Gjokutaj reagoi sot pas njoftimit se Kolegji prej tre gjyqtarësh të Gjykatës Kushtetuese nuk arriti dot të marrë një vendim për kalimin ose jo në seancë plenare të kërkesës së Kryeministrit për heqjen e pezullimit të zv/kryeministres Belinda Balluku.
Sipas Gjokutajt, mungesa e konsensusit brenda Kolegjit ka bërë që çështja t’i kalojë automatikisht Mbledhjes së Gjyqtarëve, organi që tashmë do të vendosë nëse kërkesa e kryeministrit plotëson apo jo kriteret e pranueshmërisë për t’u shqyrtuar në një seancë plenare të Gjykatës Kushtetuese.
Reagimi i avokatit:
Të nderuar Miq! Sot Kolegji prej 3 gjyqtarësh të Gjykatës Kushtetuese nuk ka arritur dot në konsensus për vendimmarrjen e kalimit ose jo në seancë plenare të kërkesës se Kryeministrit në lidhje me pezullimin e Zv/Kryeministres Balluku!
Në këto kushte kjo kërkesë do ti kalojë Mbledhjes së Gjyqtarëve e cila tashmë do të vlerësojë nëse plotësohen kriteret e nevojshme të pranueshmërisë së saj (kërkesës së KM) për të kaluar ose jo në Seancë Plenare!
Pra shkurt Kolegji sot nuk ka një vendimmarrje për dërgimin ose jo të çështjes në Seancë Plenare gjë të cilën do ta vendosë Mbledhja e Gjyqtarëve me minimumin prej 5 votash pavarësisht numrit të Gjyqtarëve pjesëmarrës në atë Mbledhje!
