Radhë e gjatë automjetesh është krijuar në pikën kufitare të Kakavijës, në krahun e palës greke.
Burime nga...
AKTUALITET
“Balluku” në Kushtetuese/ Ja kur do të mblidhen gjyqtarët për kërkesën e Qeverisë
PiranjatPërditësimi i fundit 2 Dhjetor 2025, 16:25
Mbledhja e gjyqtarëve në Gjykatën Kushtetuese për shqyrtimin e kërkesës së qeverisë për çështjen e Belinda Ballukut pritet të mbahet ditën e enjte (4 dhjetor 2025). Në këtë mbledhje do të vendoset nëse do të kalohet apo jo për shqyrtim kërkesa e qeverisë e cila kërkon shuarje të masës së sigurisë të vendosur ndaj Ballukut nga ana e GJKKO, e cila e ka pezulluar atë nga detyra si zv/kryeministre dhe ministre.
Ishte Kolegji ai i cili vendosi paraditen e sotme që çështja t’i kalojë Mbledhjes së Gjyqtarëve, e cila do të vlerësojë nëse plotësohen të gjitha kriteret e pranueshmërisë për ta dërguar atë në seancë plenare apo jo.
Ndërkohë ditën e sotme edhe vetë Balluku ankimoi në Apel vendimin e GJKKO për masat e sigurisë të vendosura ndaj saj Vendimi i Gjykatës së Posaçme, GJKKO u dha në datë 22 nëntor. Gjykata e Posaçme caktoi dy masa sigurie për Belinda Ballukun: “pezullim i ushtrimit të detyrës dhe funksionit” dhe “ndalim i daljes jashtë vendit” në kuadër të hetimeve për shkelje të barazisë në tendera.
Disa ditë më vonë, qeveria dërgoi në Gjykatën Kushtetuese kërkesën e saj për pezullimin nga detyra të zv.kryeministres Belinda Ballukun. Rama e cilësoi cenim të ekzekutivit vendimin e Gjykatës së Posaçme për të pezulluar nga detyra ministren e Energjisë dhe Infrastrukturës dhe zv.kryeministren Belinda Balluku.
