Teksa vizitoi Edison Adrin, efektivin e plagosur rëndë në Spitalin e Traumës në Tiranë, kryepolici Skënder Hita bëri e...
AKTUALITET
Avokati i Metës largohet nga seanca: Çdo seancë sjellin dokumente të reja dhe i quajnë prova
PiranjatPërditësimi i fundit 11 Nëntor 2025, 12:30
Kujtim Cakrani, avokati i ish-Presidentit Ilir Meta, ka folur për mediat jashtë Gjykatës së Posaçme për Korrupsionin dhe Krimin e Organizuar (GJKKO), duke kritikuar veprimet e prokurorisë lidhur me çështjen që përfshin pretendime për pagesa në emër të LSI-së.
Sipas Cakranit, hetimet kryesore për këtë çështje kanë përfunduar që në gusht, ndërsa prokuroria po paraqet prova të reja që, sipas tij, nuk mbështesin pretendimet e tyre. “Ata pretendojnë se kushëriri i Kryemadhit ka paguar për LSI, por nuk vërtetohet në asnjë moment të ketë ndonjë pagesë nga llogaria bankare e partisë,” deklaroi Cakrani.
Ai shtoi se faktori që kompania në fjalë ka lëshuar faturë në të njëjtën ditë kur ka lëshuar faturë edhe për LSI-në, nuk do të thotë se ka pasur pagesë për partinë. Gjithashtu, nuk ka asnjë dokument që tregon pagesa me firmën e Ilir Metës për GSIS në emër të LSI-së.
Avokati njoftoi se ka kërkuar nga gjykata mospranimin e provave të reja nga prokuroria dhe kthimin e dosjes për hetime të mëtejshme, duke u shprehur: “Ne nuk kemi problem me provat, por me mënyrën se si prokuroria po i merr ato nga gjykata.”
Fjala e avokatit:
"Prokurorët e posaçëm çdo seancë sjellin ndonjë dokument të ri që ata e quajnë provë. Ata duhet ti kishin sjellë provat në momentin e përfundimit të hetimeve dhe ne të kishim bërë prapësimet tona.
Unë ika nga seanca, e lashë aty prokurorin dhe gjyqtaren në seancë. Unë nuk mund të legjitimoj paligjshmërinë e gjyqtares zonjës Gjoka që pranon cdo kërkesë që i dorëzojnë prokurorët e posaçëm. E kuptoj që ajo ka një hall, por unë nuk ja zgjidh dot.
Provat e SPAK nuk na ngarkojnë ne me përgjegjësi penale. Janë ato që pretendojnë për lobimin në SHBA. Që do të thotë se një kompani që këta mendojnë se është kushëriri i bashkëshortes së zotit Meta ka patuar për LSI. Por nuk faktohet në asnjë moment që të LSI zoti Meta, sipas kontratës që cdo pagesë duhet të firmoset nga kryetari i Partisë, nuk rezulton asnjë pagesë as nga llogaria e partisë dhe as një pagesë nga brenda Shqipërisë."
