Komiteti për Marrëdhëniet me Jashtë i Senatit të Shteteve të Bashkuara ka miratuar me votim 19-3 emërimin e Eric Wendt si Amb...
AKTUALITET
Avokati i Popullit/ PD reagim për kandidatët: Deputetët kanë tërhequr nënshkrimet, presim përgjigjen e Kuvendit
PiranjatPërditësimi i fundit 3 Dhjetor 2025, 16:37
Partia Demokratike ka reaguar me një sqarim zyrtar për mediat lidhur me debatet e ditëve të fundit mbi kandidatët për Avokat të Popullit, duke theksuar se nënshkrimet e deputetëve të opozitës janë përdorur në mënyrë të pasaktë dhe jashtë kontekstit ligjor nga disa prej kandidatëve.
Sipas PD-së, nënshkrimet janë dhënë përpara kualifikimit të kandidatëve nga Komisioni i Ligjeve, pa marrë parasysh momentin kur kandidatët i kanë depozituar dokumentet në Kuvend. “Një pjesë e tyre i kanë përdorur në kundërshtim me ligjin si propozim për votim, gjë që nuk është e vërtetë në kuptim të nenit 9 të ligjit për Avokatin e Popullit,” thuhet në deklaratë.
PD bën të ditur se, pas njoftimit zyrtar të Komisionit të Ligjeve drejtuar grupeve parlamentare – sipas të cilit “një deputet mbështet vetëm një kandidat” – deputetët e opozitës kanë tërhequr të gjitha nënshkrimet e dhëna më herët. Opozita ka propozuar ngritjen e një procesi transparent të përbashkët mes mazhorancës dhe opozitës për përzgjedhjen e kandidatit.
“Tërheqja e nënshkrimeve është depozituar zyrtarisht në Kuvend. Mbetemi në pritje të përgjigjes institucionale të Kryetarit të Kuvendit për të proceduar më tej,” përfundon reagimi i PD-së.
