Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Banorët e Bershit akuzojnë Bashkinë Klos për bllokim prone dhe abuzim me mjetet publike
PiranjatPërditësimi i fundit 18 Janar 2026, 13:23
Një denoncim shqetësues ka mbërritur në redaksinë e Piranja.news nga fshati Bershi, Bashkia Klos, ku banorë të zonës akuzojnë pushtetin vendor për shkelje të të drejtës së pronës dhe abuzim me mjetet publike.
Sipas denoncimit, kryetarja e Bashkisë Klos, znj. Valbona Kola, ka hapur një rrugë duke përdorur mjete të bashkisë, veprim që, sipas banorëve, është i dokumentuar edhe me pamje filmike në momentin e punimeve.
Por problemi nuk përfundon këtu.
Më datë 03.11.2025, dy familje nga zona nuk janë lejuar të bllokojnë/rrethojnë pronën e tyre private, tokë ku kishin hedhur farën për mbjellje. Banorët pretendojnë se janë penguar padrejtësisht, duke u mohuar e drejta për të punuar tokën e tyre dhe për të siguruar jetesën.
Mesazhi i plotë:
Përshëndetje, jam banore nga fshati Bershi, Bashkia Klos, dhe dua të paraqes një shqetësim. Kryetarja e Bashkisë Klos, zonja Valbona Kola, ka hapur rrugën me mjete të bashkisë dhe këtë e kemi të dokumentuar me video në momentin që është bërë hapja.
Mirëpo, më datë 03.11.2025, nuk na lejuan të bëjmë bllokimin e pronës, ku kishim hedhur edhe farën për mbjellje. Gjithashtu, na është kthyer mbrapsht zitori (kanali ujitës) dhe nuk na përgjigjet as kryetarja e bashkisë, as Policia e Shtetit.
Kemi qenë dy familje për të mbjellë tokën, por shefi i zonës na akuzon padrejtësisht se ne e kemi kthyer zitorin, dhe jo fqinji tjetër, gjë që e vërtetojnë edhe vetë punëtorët e zitorit, të cilët e dinë se kush e ka kthyer mbrapsht.
Ju lutem, kërkojmë ndihmë nga ana juaj për të marrë drejtësi./piranjat.news
