Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
AKTUALITET
Bardhi: Rama po mbron të pandehurën Ballukun! SPAK ta marrë në pyetje
PiranjatPërditësimi i fundit 1 Dhjetor 2025, 17:33
Kryetari i Grupit Parlamentar të PD, Gazment Bardhi deklaron se kryeministri Edi Rama ka dalë në mbrojtje të ministres së Infrastrukturës, Belinda Balluku e cila është nën hetim nga SPAK.
Sipas Bardhit, kryeministri nuk dha asnjë referencë konkrete të Komisionit të Venecias apo të Gjykatës së Strasburgut që të mbështeste deklarimin e një dite më parë, ndërsa shton se SPAK dhe gjykata e GJKKO “duhet ta thërrasin Ramën si palë në proces, krah për krah me të pandehurën”.
Reagimi:
7 minuta e 38 sekonda foli Edi Rama, në një përpjekje të sforcuar për të justifikuar avokatinë e paprecedent të të pandehurës Belinda Balluku, që e mban peng me aferat e përbashkëta korruptive.
Por, ndërkohë që shqiptarët prisnin sot t'iu thoshte se në cilin opinion të Komisionit të Venecias apo vendim të Gjykatës së Strasburgut thuhej se ministri nuk mund të pezullohej nga detyra, sic shpalli dje nga podcasti "Flasim me vete", ai u hodh me akuza dhe sharje ndaj opozitës që cmontoi gënjeshtrat e tij këmbëshkurtra me "Venecia" dhe "Strasburg", që në fakt thoshin ekzaktësisht të kundërtën e asaj që kishte deklaruar me krenarinë e njeriut shkollëpak, leximhic dhe i marrë peng.
Risia e të folurës vetmevete ishte se Edi Rama pranoi se ai është palë në procesin gjyqësor të Belinda Ballukut, njësoj sic është palë në aferën korruptive të Tunelit të Llogarasë. E në këtë kuptim, Edi Rama ka të drejtë që prokurori i SPAK dhe gjyqtari i GJKKO duhet ta thërrasin herës tjetër si palë në korrupsion krah për krah me të pandehurën Belinda Balluku.
