Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
AKTUALITET
''Bashkia Tiranë nuk merr asnjë masë''/ Banorët në panik nga qentë e rrugës në Kodrën e Priftit
PiranjatPërditësimi i fundit 8 Shkurt 2026, 16:57
Banorët e zonës së Kodrës së Priftit në Tiranë prej ditësh kanë një shqetësim serioz, që po ndikon shumë në jetën e tyre të përditshme.
Ata po jetojnë në frikë dhe pasiguri për shkak të pranisë së shumtë të qenve endacakë.
Nga pamjet që kanë mbërritur në redaksinë e Piranjave shihen qartë qentë e rrugës të grumbulluar pranë kazanëve të mbeturinave, duke u kthyer në një rrezik real për komunitetin.
Sipas banorëve, situata është jashtë kontrollit. Ata shprehen se nuk kalojnë dot rrugën dhe nuk guxojnë të dalin nga shtëpitë, ndërsa fëmijët dhe të moshuarit janë më të rrezikuarit. Frika dhe paniku janë bërë tashmë pjesë e përditshmërisë së tyre.
Banorët shkruajnë se qentë janë të pavaksinuar dhe të patrajtuar, ndërkohë që Bashkia Tiranë nuk ka marrë asnjë masë, pavarësisht ankesave të vazhdueshme.
Situata rëndohet edhe më shumë nga kazanët e mbeturinave të papastruar, të cilët tërheqin qentë dhe i mbajnë ata të grumbulluar në këtë zonë.
Banorët kërkojnë ndërhyrje urgjente nga Bashkia Tiranë për largimin dhe trajtimin e qenve endacakë, si dhe për garantimin e sigurisë në lagje.
Redaksia jonë do të vijojë ta ndjekë këtë denoncim./PiranjatNews
