Detaje të reja dhe zhvillime të bujshme vijnë nga hetimet për përplasjen me armë në Maliq, ku mbeti i vrarë një e...
AKTUALITET
Berisha: Lubi Balluku vodhi 50 milionë euro. Mua më thërrasin për 21 janarin pas 13 vitesh
PiranjatPërditësimi i fundit 19 Nëntor 2025, 11:33
Kryetari i PD-së, Sali Berisha pas daljes nga SPAK tha se Lubi Balluku vodhi 50 milionë euro me tunelin e Llogarasë, ndërsa skandal është edhe aeroporti i Vlorës.
Berisha deklaroi se per te larguar vëmendjen nga skandalet e qeverisë, e thërrasin në SPAK pas 13 vitesh, ne një kohë që siç shprehet ai “duhej te ishte thirrur qe ne ditet e para”.
Pjesë nga fjala e Berishës:
“Një procedurë është krejtësisht diskrete, që nuk ka asnjë lidhje as me mediat, as me publikun, ua jep përpara medieve përpara se të më japë mua.
Dhe bën për hir të Lubi Ballukut dhe Ramaduros, bën 2-3 javë duke furnizuar studiot e televizioneve të kontrolluara nga qeveria që të mos bëjnë debate për vjedhjen e 50 milionë eurove nga Lubi Balluku dhe Edi Rama vetëm në tunelin e Llogarasë, pa thënë skandalin tjetër të aeroportit të Vlorës, por të merren se Sali Berishën e kanë thirrur pas 13 vitesh për të dëshmuar për një gjë, për të cilën në vlerësimin tim, duhej thirrur që ditën e parë të hetimeve pa asnjë lloj hezitimi.
Unë isha njeriu i rrethuar, njeriu që dritaret iu gjuajtën me gurë, njeriu që u kërkua të përmbyset pushteti i tij, iu kërkua të largohet ose do kalohet mbi kufoma. Këto janë të dokumentuara.
Dhe që kishte dalë nga një palë zgjedhje që kishin plotësuar standardet kryesore ndërkombëtare të OSBE/ODIHR për zgjedhjet e lira.Por Edi Rama me epshet e pushtetit kërkonte të përmbyste”.
