Një banore në Durrës ka ngritur shqetësimin për një situatë të pazakontë që, sipas saj, po vazhdon prej koh&...
AKTUALITET
Bie flamuri shqiptar i aviacionit/ Tjetër padi për Air Albania, kompania drejt greminës. Çfarë shkruan faqja zvicerane
PiranjatPërditësimi i fundit 3 Shtator 2025, 19:41
Problemet financiare të Air Albanias duket se janë shumë të thella. Faqja zvicerane e specializuar në lajmet e aviacionit Ch-Aviation njoftoi se një nga qiradhënësit ka paditur në gjykatë kompaninë shqiptare për mospagimin e qirasë së avionëve.
Nuk dihet se cila është kompania paditëse dhe në cilën gjykatë e ka paditur ajo Air Albanian. Por kohët e fundit në media është publikuar lajmi se një prej avionëve të Air Albanias u sekuestrua në Stamboll nga kompania qiradhënëse Etihad në fillim të muajit të kaluar për shkak të mospagimit të qirasë.
Ky është lajmi i radhës që tregon se flamuri shqiptar i aviacionit mund të jetë në momentet e tij të fundit. Ndonëse këto ditë Air Albania ka nisur një fushatë mediatike për të përmirësuar imazhin e saj, të dhënat që vijnë nga anë të tjera tregojnë se situata e saj financiare është shumë e vështirë.
Pak ditë më parë, Aeroporti i Ljubjanës njoftoi se Air Albania kishte anulluar fluturimet Tiranë-Ljubjanë për shkak të vështirësive financiare. Ndërsa këtë të mërkurë u bë publik lajmi i padisë për mospagesën e qirasë së avionëve.
Air Albania ka qenë në qendër të debateve publike, qëkur kompania i ofroi kryeministrit Edi Rama një charter personal për udhëtimet e tij, përmes një marrëveshje jo transparente. Vetë kryeministri ka deklaruar se charteri nuk u ka kushtuar asnjë qindarkë taksapaguesve shqiptarë, pasi Air Albania e ka vënë avionin në dispozicion në këmbim të shërbimeve të imazhit që kryeministri i bën kompanisë./Kapital.al
