Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
Degradimi i aksit Librazhd-Prrenjas, kreu i ARRSH pranon dështimin: Kam marrë mësim nga kjo situatë!
PiranjatPërditësimi i fundit 3 Mars 2026, 12:42
Kreu i Autoritetit Rrugor Shqiptar, Ami Kozeli, ka pranuar katë të martë dështimin e institucionit që ai drejton, në lidhje me degradimin e aksit Librazhd-Prrenjas.
Në një deklaratë për mediat, ku tregoi segmentin alternativ të hapur për qarkullimin drejt juglindjes, Kozeli u shpreh se ‘mësimet do të jenë të shumta nga kjo situatë’.
Sipas tij rruga alternative e hapur mesditën e sotme, është e aksesueshme për mjetet e vogla dhe ato të tonazhit të rëndë, megjithatë mbetet për tu parë nëse edhe kjo rrugë do pësojë sërish shembje, apo do të shkaktohet trafik i rënduar pasi kamionët të bllokohen në kthesat e ngushta, ashtu siç ndodhi pak ditë më parë.
“Rruga është hapur me kushtet optimale, aq sa na lejuan rrethanat. Janë bërë testime dhe po testohet edhe me mjete laboratorike dhe mjete të rënda, dhe nuk ka asnjë lloj tundimi apo shfaqjeje që të na shqetësojë. Rruga është hapur në kohën më të shpejtë të mundshme. Ne u konsultuam me ARRSH dhe me të gjitha strukturat, ku dua të falenderoj veçanërisht njerëzit e terrenit, të cilët kanë bërë një punë të jashtëzakonshme, sepse brenda 10 ditësh është kryer një punë e madhe.
Trafiku do të jetë i hapur për të gjitha mjetet, por këtu dua të bëj një thirrje për mjetet me tonazh të rëndë që të respektojnë peshën e tyre në këtë aks. Kjo kontrollohet nga policia, por duhet respektuar sepse mund të krijojë probleme në rrugë, si gropa që mund të vështirësojnë kalimin.
Mësimet do të jenë të shumta nga kjo situatë. Pas përfundimit të këtij kalimi, do të mblidhem me të gjitha institucionet përkatëse për të diskutuar se si do të adresohen problemet e tilla në të ardhmen”, ka deklaruar Kozeli.
