Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Denoncimi i studentit: Në konviktet e Universitetit Bujqësor të Tiranës nuk ka ujë të ngrohtë! Ministria hesht
PiranjatPërditësimi i fundit 24 Shtator 2025, 18:45
Një denoncim ka mbërritur në redaksinë e Piranjat.al, lidhur me situatën në konviktet e Universitetit Bujqësor të Tiranës. Studenti bën me dije se në këtë rezidencë prej kohësh mungon uji i ngrohtë në konvikte dhe nuk është dhënë asnjë zgjidhje apo shpjegim zyrtar. Kjo situatë problematike, duhet të marrë zgjidhje para nisjes së vitit të ri akademik, pasi vështirëson jetesën e studentëve që do të akomodohen në këto godina.
Kujtojmë se para disa ditësh disa student u përballën me dhunën e forcave të policisë në ambientet e konvikteve të Qytetit Studenti.
Ngjarja ndodhi në një moment kur me qindra studentë ishin mbledhur për t’u regjistruar në konvikte. Pamjet e publikuara tregonin momente kur punonjësit e policisë krijuan një “mur”, duke penguar hyrjen e studentëve në godina. Përplasja shkaktoi indinjatë, veçanërisht pasi studentët thanë se u ndjenë të rrezikuar, për shkak se ngjarja ndodhi pranë disa shkallëve të larta.
Situata u tensionua edhe më shumë kur disa prindër, të cilët shoqëronin fëmijët e tyre për regjistrim, u konfliktuan me policinë dhe përfunduan të shoqëruar në komisariat.
Kështu shumë studentë që dje erdhën në Tiranë me ëndrrën për të ndërtuar një të ardhme të ndritur, i nisën sfidat e jetës me "luftën" për të siguruar një shtrat./piranjat.al
