Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
AKTUALITET
Derdhja e ujrave të zeza në det/ Reagon "Vlora Marina": Është larguar uji i shiut që ka rënë në datat 19 dhe 20 gusht, nuk ka asnjë përmbajtje tjetër!
n.fPërditësimi i fundit 22 Gusht 2024, 12:24
Pamje nga rasti në Vlorë
VLORË- Dy ditë më parë një video qarkullonte në rrjet ndërsa një qytetar denonconte sesi derdhen ujrat e zeza në det në Vlorë. Sipas qytetarit firma që po punon brenda "Vlora Marina" po ndoste detin në Vlorë ndërsa sot ka ardhur një reagim zyrtar në lidhje me ngjarjen.
Sipas reagimit të "Vlora Marina" në video bëhet fjalë për largimin e shiut që ka rënë në datat 19 dhe 20 gusht ndërsa shtohet se uji nuk është absolutisht i ndotur. Më tej bëhet me dije se përveç ujit të shiut, ujit të kripur të detit që është i pranishëm për shkak të pozicionit të kantierit, dhe rërës që përzihet me ujin, nuk ka asnjë përmbajtje tjetër që mund të ndotë apo dëmtojë detin apo mjedisin.
Ata gjithashtu kanë shpjeguar se të ndodhur në kulmin e sezonit turistik, largimi i ujit të shiut është bërë me shpejtësi për të shmangur devijimin në zonat e banuara, ku prania e ujrave të tjerë do të shkaktonte probleme në qarkullim gjatë sezonit.
Në reagim gjithashtu thuhet se garantojnë qytetarët e Vlorës se në kantierin e tyre nuk ka asnjë përdorim ujërash biologjikisht të ndotura, pasi nuk ka ende ushtrim aktiviteti urban apo ekonomik dhe as nuk ka mbetje të tjera industriale jo-natyrore përpos ujit te shiut/detit dhe rërës.
Reagimi i plotë;
Të nderuar kolegë, Nisur nga një shkrim i juaji, publikuar në portalin Piranjat.al rreth. Vlora Marina, po ju përcjellim qëndrimin tonë zyrtar: Jemi të detyruar të sqarojmë përmbajtjen e një video që qarkullon në disa profile në rrjetet sociale dhe nëpër disa portale. Nuk do donim që të shkonim nga pas individëve që kërkojnë famën e klikimeve, por duam të jemi sa më transparent me qytetarët e Vlorës dhe publikun.
Në video bëhet fjalë për largimin e shiut që ka rënë në datat 19 dhe 20 gusht dhe nuk është absolutisht ujë i ndotur. Përveç ujit të shiut, ujit të kripur të detit që është i pranishëm për shkak të pozicionit të kantierit, dhe rërës që përzihet me ujin, nuk ka asnjë përmbajtje tjetër që mund të ndotë apo dëmtojë detin apo mjedisin. Çdo interpretim i videos është dashakeqës, i padrejtë dhe i pavërtetë.
Të ndodhur në kulmin e sezonit turistik, largimi i ujit të shiut është bërë me shpejtësi për të shmangur devijimin në zonat e banuara, ku prania e ujrave të tjerë do të shkaktonte probleme në qarkullim gjatë sezonit. Për këtë arsye janë marrë masa nga nën-kontraktorët që uji të largohet në mënyrë të kontrolluar dhe pa asnjë ndikim në mjedis.
Duam të garantojmë publikun dhe qytetarët e Vlorës se në kantierin tonë nuk ka asnjë përdorim ujërash biologjikisht të ndotura, pasi nuk ka ende ushtrim aktiviteti urban apo ekonomik dhe as nuk ka mbetje të tjera industriale jo-natyrore përpos ujit te shiut/detit dhe rërës.
"Vlora Marina" garanton qytetarët e Vlorës dhe turistët se ka punuar dhe do vijojë gjithmonë të punojë e të jetë në shërbim të turizmit të qytetit dhe të vendit, duke pasur jo vetëm kujdes maksimal në çdo gjë që mund ta cënojë, por duke vendosur çdo ditë një standard të ri në atë që duhet dhe do të jetë mbretëresha e turizmit në rajon e më gjerë. Faleminderit!
