Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Detaje/ Si mjeku psikiatër përndoqi moderatoren shqiptare! Udhëtonte nga Kosova për t'i shkuar tek banesa
PiranjatPërditësimi i fundit 28 Shtator 2025, 22:31
Behar Kamberi, një psikiatër nga Kosova që prej vitesh merrej me trajtimin e fiksimeve dhe çrregullimeve emocionale të pacientëve, këtë herë nuk arriti ta shërojë veten nga një histori e ngjashme. Një pasion i papërmbajtur për një moderatore sportive shqiptare, me inicialet A.B., u shndërrua në një ngjarje që sot e ka çuar pas hekurave të burgut 302 në Tiranë.
Burime bëjnë me dije për mediat se mjeku kishte zhvilluar një lidhje të fortë emocionale ndaj moderatores, të cilën e quante “dashuri platonike”. Por ajo që për të ishte ndjenjë, për moderatoren u kthye në shqetësim të vazhdueshëm. Situata arriti kulmin kur Kamberi udhëtoi nga Kosova drejt Tiranës dhe u shfaq para banesës së saj.
Moderatorja, e vendosur të mos përballej drejtpërdrejt me mjekun, njoftoi policinë dhe pranoi të takohej me të në një vend tjetër të kryeqytetit. Por aty e priste një skenar krejt ndryshe: efektivët e Komisariatit nr. 2, që ndërhynë menjëherë dhe e arrestuan.
Sot, psikiatri kosovar akuzohet për përndjekje dhe ndodhet në paraburgim, duke u gjendur vetë në rolin e një personi që për vite me radhë përpiqej t’u jepte zgjidhje halleve emocionale të të tjerëve.
